رواية حكـآية حب لا تنتهي .. ::: تأليفي :: ..

السلااام عليكم ..

كيفكوووم ؟؟ ان شاء الله تمام ..

اليوم حبيت انزلكم روايتي انا اللي كاتبتهاا ..

ان شاء الله تنال اعجابكم ...

> الجزء الاول <

تبدأ حكايتي مع ولد اسموو رئيف متخرج من الثانويه العامه من سنه حابب يكمل دراستو بعد ما يتخرج بسنه ويدخل هندسه ..^^
مر على تجربة رئيف في الحب سنه تقريبا او اكثر
كانت تجربته قاسيه شويه لأنها كانت حكايه حب طويله دامت 3 سنوات
ولكنه اجبر على التضيحه في سبيل حصولها على الرغد في حياتها لأنو أم رأيف خيرتو بينهم وبين إن البنت تعيش في تعاسه طول عمرها..

ما حب رئيف انو يكون سبب في تعاسه البنت اللي حبها من كل
قلبوو فاختاارهم ...
رئيف من النوع الرومانسي مرررره كان دايم جو غرفته هادي
حتى انو في الأغاني أغانيه هاديه ما فيها هديك الرجه ..
هوا ولد حليووه كدا وصحباات اختوو يتهبلوو لما يشوفوا ..
ماعندووو غير أخت وحده وهوا في عيلتهم .. و اختو قريبه منوو لدرجه إنها تعرف نص أصحاب اخوهاا يعني تدري عنوو كل صغيره وكبيره حتى
ولو مع بنت ...

أخت رئيف اسمهاا روان هي بنووته مره نااعمه اصغر قرصه تعورهاا..
يعني بنووته بكل معنى الكلمه ^^ مقربيه مره من اخوهاا كأنو صاحبها ^^
تحب البنكي مووت بجناان هي اصغر من رئيف بسنتين يعني تانيه طالعه تالت ثانوي ومرره شاطره في دراستهاا مشاء الله ..

جرح او ذكرى عبير جلس مع رئيف لمن دخل الجامعه ..

في داك اليوم مر في بال عبير ذكرى رئيف وجلست تبكي
عبير من النووع شويه دفش بس طيووبه وتنحب ، تحب حياتها وإنها تعيش فيها
فلللله و صحبااتها مشاء الله بالكووومه ، وكان رئيف ثاني حب في حياتها بعد تجربه قاسيه عاشتها مع واحد جالس يلعب عليها ..
وكانت تحب رئيف موووووت وما راح تقدر تنجرح مره تانيه من شخص تحبوو
لأنو رأيف سابها وهي واثقه من انوو رئيف قلبوو معاها ومتأكده من كدا ..

وحتى رئيف ما قدر ينسااهاا وأموو تدري بكدا ..

المهم كان يوم عادي في الاجازه الكبيره اللي بين السنه و السنه التانيه
كان يوم الخميس صحيت روان من نومها عشان امس كانت نايمه بدري
قامت طالعت في الساعه لقتها الساعه تقريبا 10 وربع وكان رئيف
امس سهران مع اصحابوو في الدره ..
فقالت خليني اسوي نخوله على راسوو واخليه يودينا نفطر بره اليوم
امممممممم فييين ؟؟ اهاااا ايوه عرفت في ستار بكس ..

دخلت الحماام ووخرجت وبدلت ولبست وخلصت وبعدين راحت غرفت اخوهاا
ودقت الباب طبعا الاولاد نومهم تقيل فما سمع ... فتحت الباب وفكت الجزمه وبشوييييش ونطت فوووقووو :
روان : رئيييييييييييييييييييييف قووم قوووم خلصت النوم اللي في الدونيا كوولووا
رئيف : وهوا مفجوع : ها ايش ايش ؟ الله يرجك يا شيخه ايش تبغي مصحيتني من صباح رب العالمين ؟؟
روان : قوم وجع بس نايم نايم ايش هوا دا قوم بلا كسل خلينا نفطر بره اليوم
عشان ماما عند خاله ميمي من الصبااح بدري ..
رئيف : الله واكبر ايش موديها عند ميمي من الصباح ؟؟
روان : مدري بس بسك نوم وقوم نفطر ...
رئيف : فين بتروحي يا بنت الحلال ايش انتي اللي بتفتحي المحلات من بدري ؟؟؟
روان : وجع في شكلك الواحد يبغى يخرجك وانته مخموووود ما عليك في احد ..
وهنا عاد روان ماا قصرت و طلعت البووز شبرين ..^^
رئيف : يؤ يـؤ يــؤ خلاااص خـلاااص روحي جهزي نفسك عبال ما اخلص كل شي إلا زعل رورو حياااتي انا ..^^
روان : ايوه روحي روحـي وبعدين اتلطع ساعه تحت وانته ما خلصت او روحت نمت تاني ..

رئيف : قلنالك روحي البسي ولا يهمك نفطرك بره مين عندنا اغلى من رورو اللي منكدتلنا حيانتاا... ههه هـهه ههه
روان : يا سلاااااااااااام جات عليا انا وليش ما تشوف نفسك اول شي ؟؟
رئيف : اقووووووووول بلا تكتير هرج زايد وفاااضي مالوو داعي من الصبااح .. روحي عبي نفسك عبال ما اخلص قبل لا يجي الطهر ونتغدى مو نفطر ...
روان : يللا قوم البس انا لابسه ومجهزه نفسي صار لي ساعه ..^^
رئيف : يا ساتر ... ههه هههه ... طيب طـيب روحي دحين اجيكي وخدي مفتاح السياره يعني لو حبيتي تروحي من غيري ... ^^ ههه هههه
روان : والله لو بأيدي كان ما استنيتك وروحت لوحدي مع الشله ..
رئيف : يللا تبغي تروحي ولا ابطل ..؟
روان : لآآآآآآآآ خلاااص خـلاااص روح يللا جهز نفسك حاخرج بنفسي خلاص
بس يللا بسرعه ..

بعد تقريبا نص ساعه او ساعه الا نص نزل رئيف ومتشيك كانوو رايح دييت ^^
رئيف : رورو شوفي كدا تماااااام ؟؟..
روان : ايوة حلو حـلو بس خلصناا مرره جناان بس يللالا ...
رئيف : طيب طـيب بس خليني اجيب شي من فوق ...
روان : لالا خلاص كدا كاامل والحمد لله مو ناقصك شي ماشاء الله ..
رئيف : ههه هههه ههه .. طيب خلاص يللا مشيناا ؟
روان : يللا تراني ميته جوووع ..

..الجزء التاني...

ركبووو السياره وشغلت روان شريط تامر حسني الجديد وجات اغنيه افتكر لي
و رئيف كان مرره مبسووط ومع الاغنيه شويه كدا روان تجيب طاري عبير

روان : ريوف ايش اخبار عبوره و احوالهاا ما تدري
عنهاا ؟؟..
رئيف انصدم وهدى سرعته شويه وطالع في روان كدا وقلها :
ايش جابها على بالك البنت في حالها دحين ربي يستر عليها مدري عنها
من يوم ما امك سوت ديك الحكايه ..
خلاااص اصلا من يومتها ماجبت طاريهاا على لساني وهادا الكلام من قبل سنه على ما اعتقد ...
روان : طيب ما حاولت انك تسال عنها وعن احوالها ؟؟
هيا بخير طيبه ولا فيها شي؟؟
رئيف : بعيد الشر عنهاا بت لاتقولي كدا عنهاا حرام عليكي .. سيبي البت في حالها..
روان : بس برضواا حاستك لما قلت قرارك انك منته مقتنع بيه ؟؟ ..
رئيف : اجل يا رورو تبغيني اكون سبب في تعاستهاا طول عمرهاا وهي اللي
حبتني من كل قلبها وانا كمان ؟؟
روان : مدام انك تحبها قد كدا ليش ما حاولت تدافع
عن حبك ؟؟
واتخليت عنه بكل سهوله ؟؟
رأيف : انا ما اتخليت عنــــهااا .............

يقطع كلام رئيف جوال روان يدق تطالع تلاقيها امها

روان : استنى شويه الهيئه اتصلت ههه هههه ههه ..
رئيف يأشر بيده : خلااااااص روحنااا فيهااااا ..
روان : اهليييييييييييييييين ماما
ام روان : هلا رورو ... صحيتي ؟؟
روان : يوووووه من زمااان
ام وران : ماشاء الله ايش في صاحيه من بدري ؟؟
روان : ولا شي بس ريوف عازمني ع الفطور اليوم..
ام روان : حركااات والله رئيف معااكي ؟؟
روان : شوفتي كيف ؟؟
ام روان : طيب خلاص كنت ابغى اصحيكي عشان تجي عند خالتك ميمي العصر ..
روان : اجيكي ؟؟ ليش خير انشاء الله ؟؟ في شي ؟
ام روان : لا ولاشي بس نبغاكي شويه... اقولك خلاااص لما ترجعي البيت اتزبطي
شويه كدا واتشيكي وتعالي ع المغرب العشاا مع اخوكي ..
روان باستغراب : ايش في بتخبطووني اقصد بتخطبوني
انتوو ؟
رئيف صار يطالع في روان وهوا مستغرب ويأشر بيده : ايش أيـش ؟
روان تـأشرلواا : استنى اسـتنى
ام روان : لا بس كدا اتشيكي وتعالي ... طيب ؟
روان : طيب خلاااص يصير خير ...
ام روان : يللا مع السلامه وانتبي على نفسك انتي واخوكي ..
روان : خير انشاء الله طيب مع السلامه ..

قفلت روان وهي مستغربه ومفجووعه وحالتها حاله
سألها رئيف : ايش في وايش تعالي عند خالتك ؟؟
ايش الهرجه ؟
روان : مدري عن ماما دي تقولي اتشيكي وتعالي المغرب عند خالتك
انتي و اخوكي ؟؟
رئيف مفووع : ليش انا ايش سويت ؟ ايش في ؟ والله العظيم ما سويت شي ..
روان : ههه هههه ههه هههه .. وربي تضحك انته هيا بس قالت جيبيه معاكي
وخلصت ..

رئيف اتذكر انو اليوم عيد ميلاد روان 10\7\1424 هــ

خلاااص وصلوووا تشيليز ونزلت روان وهيا لابسه نظارات شمسيه وحركااات
و رأيف نزل من السياره بعد ما قفلها ودخلوا الاتنين وكان شكلهم فلللله
جلسوا ع الطاوله وشويه رأيف قال لروان :
ابغى اروح الحمام عبال ما تنقي ايش بتاخدي ..
روان : طيب .. بس انته ايش نقيت؟؟
رئيف : كيفك خلاااص اللي تطلبيه اطلبي دبل ..

راح رئيف واختفى عن نظر روان واتصل على اموو بيعرف مسوين لها
عيد ميلادها هناك ولا ايش الهرجه ..

رئيف : الوو ماما السلام عليك ...
اموو : وعليكم السلام بالداشر مع اختوو ..
رأيف : ههه هههه ههه ..كيفك امي ؟
اموو : بخير .. الحمد لله ايش عندك متصل في حاجه ؟..
رئيف : ايوة انتي قلتي لروان تعالي عند خاله ميمي اليوم المغرب ؟؟
اموو : ايوة ليش ؟؟ ترى انته اللي حتجيبها معاك وانته كمان اتشيك وتعال ..
رئيف : ادري .. أيوه انتوو مسوين عيد ميلاد روان هناك ؟؟
اموو : ايوة بركه انك افتكرت ..
رئيف : يا امي ما عندي اخت غيرها وكمان ما تبغيني
افتكر ؟؟
اموو : ربي يخليكم لبعض ولا يحرمكم من بعض ..
رئيف : آمـــــــــــــــــــــــيـن ... طيب خلاااص ابشري ..يللا تبغي حاجه
دحين ؟؟
اموو : سلامتك يا ولدي ... يللا بالسلامه انتبوو على نفسكم ..
رئيف : طيب انشاء الله خير ..
اموو : ولد لا تقول لأختك والله بعدين اوريك شغلك
ترى هاه ..
رئيف : ههه هههه .. طيب وهه يللا سلااام
اموو : مع السلامه ..

رجع رئيف لروان بعد ما روان طلبت زي ما قلها وشافها جالسه طفشاااانه
ولما شافتوو قالت : بدري ما كان طوولت زيااده كماان؟
رئيف : اشبك اعصابك سلاماااات ؟
روان : يالطيييييييف أحر ما عندي ابرد ماعندك ... الله يعين مرتك لو اتجوزت ..
رئيف : مين منحووست الحظ دي اللي حتتجوزني .؟
روان : وي اسم الله عليك قصدك مين اللي المحظوظه فيك يا قلبي ..؟
رئيف : روان ... اقولك سكي حلقك بلا فلسفه ..
روان : وربي الغلطاان اللي يبغى يبسطك ..
رئيف : يختي عليكي وربي حياتي من دونك مدري كيف .؟؟
ولما تتجوزي كيف راح أعيش ؟
روان : لا يا شييخ بس ارتاااح .. ما تخاااف حتى لو اتجوت كل يووم حتلاقيني
فوجهك ..
رئيف : حراام عليكي ليش انشاء الله ..
انا ابغى اجوزك عشان تجلسي عند جوزك وتهنيه وتنبسطي معااه ..
روان : اقول خلاااص ها لازم تشوف الدموع اليوم ؟
رئيف : لا يا أمي خلينا كدا اسلم ... ههه هههه ههه

{ الجزء التالت }
جا الفطور وفطرووا ورجعوا البيت ولما وصلووا البيت رئيف قال :
رورو يا عمري روحي نامي ساعه كدا و خديلك شور وبعد ساعه انا اصحيكي عبال ما اجي من بره قيدك ارتحتي شويه عشان اجي اخدك اوديكي بيت خاله ..
روان : عبال ما تجي ؟؟ ليش رايح دحين ؟
رئيف : شويه بس مشوار سريع سـريع و اجي ..
روان : طيب بس لا تتأخر يا حياتي ..
رئيف : طيب يا قلبي خلاااص روحي ونامي وبعدين
اصحيكي ..
روان : طيب خلاااص يللا انتبي على نفسك ..
رئيف : انشاء الله يا عيوني ... ^^

روان داك اليوم كانت ناسيه انوو يوم عيد ميلادهاا حسبتوو أي يوم عادي زي غيروو ..
و رئيف راح يشتري لرورو هديتها مع فارس صاحبوو على اساس انو ليه شويه ذوووووق في زي كدا أشياء واتصل عليه يشوفووا مشغول ولا لئه ..

فارس : الوووووو هلا بأبوو الشبااااب كيف العسل اليوم ؟
رئيف : هلا فيك يا الدب .. انا تماام وانته كيفك .؟
فارس : والله على حطت ايدك الحمد لله على كل حاال ..
خير ايش حالم فيا امس ؟؟
رئيف : ههه هههه ههه .. تقدر تقول ..
فارس : هههه ههههه هههههه هههه
رئيف : فرووس مشغوول اليوم ؟
فارس : لا والله عندي بعد العشا جمعه مع العيال ... خير تبغاني في شي ؟
رئيف : ايوة والله لوعندك وقت بس ..
فارس : يا شيييييييييخ افضي نفسي عشانك ..
بس آمر انته ..
رئيف : مشكوور ما تقصر وما يأمر عليك عدووو ..
فارس : آمرني فإيش تبغاني ؟
رئيف : واللهي ابغاك تروح معايا ابغى اشتري هديه عيد ميلاد نعومه كدا ..
فارس : الله اللـه يا حظ اللي بياخدهاااا ^^
رئيف : لا يا واااااااد ما عندنا دي الحركات خلاااص ..
فارس : ايش *-* ؟؟ اجل لمييييييين ؟
رئيف : يا معفن لأختي اليوم عيد ميلادها وما جا في بالي غيرك انته ..
فارس : يللا عقبال العمر كله ..
رئيف : تسلم والله .. يللا اشوووفك فين ؟
فارس : اممممممممممممممم فين ؟؟ دقيقه اشوفلك مكاان بنووتي شويه ..
رئيف : خلاااص رد لي خبر لو لقيت انا بروح اجيب شغله صغيره وبعدها
تلاقيني عن بيتكم اجي اخدك ...
فارس : خلاااص صاار .. يللا سلااام
رئيف : سلاااام

رئيف فكر انوو مع هديتوو اللي راح يشتريها مع فارس يجبلها شي تاني
فكر انوو يشتريلها كدا باقة ورد عشان روان تحب شي اسموو ورود ..

(( الجزء الرابع ))

بعد المغرب راحت روان بيت خالتها زي ما قالتلها امها بس قبلها كان رئيف مع فارس في محل الهدايا وكان هوا قد اشترالها الورد اللي راح يحطها مع هادي الهديه..

وفي المحل فارس عجبووا دبدوب محطوط جوة علبه لونها بنكي وكان شكلها مره كيوت وطبعا روان حتتجنن عليها فارس كان متوقع انو روان تحب البنكي فقام
يسوي نخوله وسأل رئيف : أختك يا واااااد أي لون تحب ؟؟... ^^
رئيف : بنوته يعني ايش حيكون بالله عليك قولي ؟؟
فارس : يعني قولت يمكن ..... يقاطعوا رئيف : اقولك بلا هرج البنكي لونها ..
فارس : طيب تعال تعـال شوف هادي ..
رئيف : اممممم وريني اشوف ...(بعد ما شافها ) واااااااااااااااو جناااان
يا شيـــــــــــــــخ ربي ستر ودقيت عليك ..
فارس : ولو الأصحاب لبعض يا عم .. أهم شي أختك تحبها وتنبسط ^^
رئيف : يسلــــــــــــموو يا عمري ..
فارس : يللا بتآخدهااا ؟؟
رئيف : اكــــــــــــــيــد مو انته منقيها لازم تنشرى ^^

اخدوا الهديه مغلفه وشكلها مرره كان جنااان ووصل رئيف فارس على بيتوا واخد نفسوا ع البيت وصحى رورو وداهاا هنـــــــــاك ...

وهناك راحت روان عادي شافت بنات خالاتها رنين و لينا و رغد وكان الجو عادي ما يوحي بحفله والكل داري عن عيد ميلادها إلا هيا كانت زي الأطرش في الزفه وبعد كم ساعه قالوا يللا العشا ...

عاد روان تدور ع البنات ما تلاقيهم اصلا ما تلاقي غير امها وخالاتها ..
و البنات كانوا مندسين في غرفة العشا مع الكيكه والحاجات دي ...
اول ما دخلت صريخ واغاني و حركااااااااااااات ...
هيا لما دخلت وشافت الصريخ و الكيكه انفجعت وصارت بس تضحك و دمعتها طارفه في عينها ..

شويه كدا جو البنات اعطوها الهدايــــــــا و دخل رئيف وأولاد خالاتها وحب رئيف انو يكون آخر واحد يعطيها هديتوا ..^^
اول ما شافت هدية أخوها دمعت عيونها لا اراديا من حالها وضمت أخوها وبكيت على صدروا وهيا حاضنتوا ووجهها في صدروا
وصوتها مكتوم : يا معفن يا رئيف يعني كنت تدري بالموضوع من زماان و
ما قلتلي ؟؟ واليوم الصبح تسوي نفسك غشيم .. وضربتوا خفيف على صدروا
وكملت : انا اوريك بعدين ... ووخرت عن رئيف وشويه جوالها يدق تطالع في الرقم تلاقيه رقم غريب ترتبك و تطالع في اخوها شويه وبعدين ردت ..
روان : الوو
....... : الوو
روان : مين معايا ؟؟
...... : روان كل عام وانتي بخير ..
روان مرة انصدمت في الصوت وانصدمت اكتر بالكلااام وبان على وجهها
روان : طيب مين ؟؟
......... : هه نسيتيني بسرعه ؟؟
روان : إيـ....يـ ..... إيــش ؟؟
تخرج من الغرفه اللي كانوا فيها وراحت في غرفه لوحدها وكملت كلامها
روان : مين ؟؟... تامر ؟؟ ..
...... : ايوه تامر كل عام وانتي طيبه ...
كنت هديتك السنه اللي فاتت ..
روان : وانته بخير وصحه وسلامه ..
تامر : كيف طاوعك قلبك و سبتيني ؟؟
روان : طيب ممكن سؤال ؟ ايش اللي جابني على بالك بعد كل اللي راح ؟؟
تامر من اول كان يبكي فكمل بكاه بعد ما سمع سؤال روان وحس انوو ما تبغاه ورد
تامر : هه يا روان كيف الواحد ينسى اللي حبها قلبوو حتى لو مر قروون ؟؟
روان : بس ... يقاطعها و يقول : روان انا ما نسيتك انا حبيتك من قلبي وانتي اللي اخترتي النهايه وخليتي كلام الناس يأثر علينا .
روان : تامر خلاص كفايه يعني انا اللي ما حبيتك من قلبي ؟؟ يا خساره ...
تامر : يا خساره ايش ؟.. قولي لا تخافي خلاص انجرحت كتير وما فرقت معايا لو انجرح كمان ...
روان : تامر ... ما عشت بعدي حب تاني ؟؟ ..
تامر : هه .. حب ؟.. روان انتي اخدتي كل اللي بقلبي من حب وما بقى لأحد مكان ..
روان : اقدر اكلمك بعدين .. يعني لما تخلص الحفله وارجع البيت ادق عليك ..
تامر : ولا يهمك خلاص ... سوري اخذت من وقتك كثير وكل سنه وانتي ........
روان : و انا ايش يا تامر ؟؟
تامر : وانتي حبيبتي يا روان ..
روان وجعها قلبها لما قلها حبيبتي وحبست وجعها وكملت : روان :يللا مع السلامه اكلمك بعدين ....
تامر : آآآآآآآآآآآآآآه ... مع السلامه ..
روان : سلامتك من الآآه ..
تامر : يسلموو .. ok…see you

رواية رااااااائعة ..
وننتظر جديدك الاروع ..
بس اتمنى انك تكمليها...
وماشاء الله ..شكلك عندك موهبة..
تقبلي مروري..

اهليييين اميرة

نوورتي يا عسلتي ..

وهادي التكمله لعيوونك .. Smile

> الجزء الخامس <
روان حاولت تمسح دموعها قبل لا تخرج وتصلح الميك آب لكن رئيف كان حاسس انوو اختوو فيها حاجه وراح لها الغرفه وهيا بتمسح دموعها اللي كل ما مسحتها تتذكر وتنزل مره تانيه ..
رئيف : احم احـم .. ريوف حابب يعرف ايش اللي مزعل اختو يوم عيد ميلادها السنه دي ؟..
روان : هه ..اممممم ... ولا حاجه بس اتاثرت شويه بالجو ..
رأيف : الله الـله .. رورو تبغى تكذب على ريوفي اخوها حبيبها..
روان : تتذكر تامر اللي قلتلك عليه زمااان ؟..
رئيف : تامر؟؟... امممم .. آآه ايوه أيـوه اشبك حبيب رورو هوا يتنسي ؟.. بس ايش ذكرك بيه مو على اساس افترقتوا من مده؟؟
روان : رئيف .. هوا دق قبل شويه لما كنت معاكم ..
رئيف : ايوة ايش يبغى ؟؟ لا يكون ضايقك ؟ والله اوريه شغلوو ...
روان : خير .. بس حب يقولي كل عام ....... وسكتت وطالعت في الأرض.
رئيف مسك رأس روان ورفعوا وطالع في عينها وقال : كل عام ؟؟ ..ايش يا روان ؟؟..
روان تحضنوا وهيا تبكي : كل عام وانتي حبيبتي ..
رئيف حزن على اختوو وصار يطبطب على ظهرها وخلاها تهدى و تخرج عشان محد يشك في شي ..

حكاية تامر و روان...
روان كانت كفائه خلاص لما اتعرفت على تامر وحبوا بعض وشافوا بعض مرتين تلاته وكانوا يحافظوا على حبهم لكن الناس ما خلوهم في حالهم وحاولوا اصحاب تامر وصحبات روان يخربوا عليهم وقدروا على كدا ..
مع انو حبهم جلس سنتين وبعدين محد سمع حس التاني نهائيا وهيا كانت تبغى توصلوا لكن ما قدرت لأنو غير رقموا غصبا عنوو ..
و اول مره تسمع روان صوت تامر بعد آخر مكالمه كانت بينهم يومتها كل واحد ودع التاني كأنوا بيودع روحوا ..
تامر عمروا ما نسي يوم قضاه مع روان ولا هيا و تامر كان متذكر عيد ميلاد روان بالدقيقه ...
وحب انه يرجع أيامه معاها لو وافقت طبعا واتصل عليها يوم عيدها عشان يكون يوم مميز بعيدها و فرحتهم ..
روان ما خبت شي عن رئيف وكانت تقول كل شي يصير لها معاه وطبعا هوا كان ينصحها وهيا تسمع بالنصيحه اللي قلها عليها بس ما كانت تقولوا السيكرت اللي بين كل اتنين طبعا^^
من حب تامر لروان وصلت لدرجه انوو قال لاموو عنها عشان تروح وتخطبها له وتصير علاقتهم طبيعيه ومحد يحاسبهم على شي .. لكن قبل اليوم المحدد بيوم صار اللي صار و اتلغى كل شي ..

رجعوا روان و رئيف للناس اللي مستنينهم عند التورته عشان رورو تجي وتقطعها وتأكلهم كمان ..
فرحت روان اكتر لما قريت ع الكيكه : ( كل سنه وانت بخير يا أحلى رورو في الدنيا .. من امك و ريوفي حبيبك ^^ ) ..
وراحت باست رأس امها و رجعت لهم وقطعت الكيكه وأكلتهم كلهم من كبيرهم لصغيرهم وآخر واحد كان ريوفي سوت نفسها تبغى تحطها في فموو إلا حطتها في وجهووا وكانت سنه ما تنساها روان طول عمرها ..
خلصوا ورجعوا البيت والسياره حقت رئيف مليانه هدايا
فقلها : يا مــامــا .. كل هادي الهدايا ليا لا مره ما اصدق ..
وصار يقلدها ..^^
فقالت : لا يا قلبي هادي ليا وبعدين انا فين وانته فين
يختي عليا .. قمر ..^^
رئيف : طبعا قمر اصلا ما صرت أطالع في القمر اللي فوق يكفيني اللي عندي ..
روان : يا عيني يا عيني .. شي اكيد طبعا ..

"الجزء السادس"
وخلص رئيف كلاموا و تريقتوا الزايده مع روان رواح كل واحد غرفتوا و اخدلوا شور مزبط ولبس البيجامه وحط راسوا ع المخده ونام إلا روان حبت تكلم تامر قبل ما تنام .. وكانت الساعه تقريبا 3 او 3ونص ..

روان : الوو .. السلام عليكم ..
تامر : وعليكم السلام و الرحمه ..
روان : كيفك ؟؟ انشاء الله بخير ^^ عسى ما صحيتك من نومك ؟
تامر : انا تمام دام سمعت صوتك .. وعادي حتى لو صحيتيني من النوم انتي النوم يطير لمن تتصلي ^^
روان : يا قلبي ..
تامر : ايشبوا قلبك سلامتك ..؟؟
روان : ولا شي بس يسلم عليك .. ههه هههه
تامر : ههه هههه .. طيب سلميلي عليه ..
روان : ايش قاعد تسوي قبل ما اتصل؟؟؟..
تامر : اممممم .. كنت ابغى اتصل عليكي ..
روان : طيب.. تامر ...
تامر : يا عيون تامر انتي ..
روان : تحبني ؟؟...
تامر : انتي عندك شك في كدا ؟
روان : امممم ... مدري انا بسأل ..
تامر : احبك يا قلبي وحياتي ودنيتي كلها ..
روان : تفكر في ايش من ناحيتنا ؟؟ اقصد من ناحيه علاقتنا
يا تامر ؟؟
تامر : لو ما عندك مانع بكره بجيب امي واخطبك رسمي ...
روان : انته من جدك تتكلم ..!! بس زي ما انته تعرف انا لسع ما خلصت الثنوي ..
تامر : مو مشكله خطبه بس عشان اعرف اهرج معاكي زي الناس ..
روان : ههه هههه .. ليش انته كدا ما بتهرج زي العالم والناس ؟
تامر : لا بس عشان ابغى كل الناس تعرف إني احبك يا قلبي ..
روان : يوووه .. من زمان على كلمه احبك وكلامك العسل ..
تامر : خلاص كل يوم راح تسمعيها ... بس قولي اجي بكره ؟
روان : ليش امك تدري انك رجعت تكلمني ؟
تامر : اكيد اصلا مخطط من الظهر عشان اجيكي واللي يصير يصـير ..
روان : مدري خليني افكر ..
تامر : خدي راحتك بس لا تتأخري عليا .. ok؟؟
روان : خلاص انشاء الله ... يللا مقدر اطول اكتر من كدا ..
تامر : يووووه .. طيب خلاص .. تصبحي على خير ..
روان : وانته من اهله .. انتبي على نفسك ..
تامر : وانتي كمان يا حياتي .. مع السلامه ..
روان : مع السلامه ..

وقفلت روان وهي مبسوطه وكان نفسها تصحي رئيف بس حزنت عليه وقفلت جوالها و الليـــت وراحت ع السرير وحطت راسها ونامت ..^^

((الجزء السابع))
وفي الصباح صحيت روان من بدري و فطرت مع امها وهيا صاحبه مبسووووطه وراحت غرفه رئيف عشان ما قدرت تصبر لحد ما يصحى بس راحت الغرفه لقتوا صاحي راحت حكتوا كل شي ..
وهوا انبسط مو عشان شي بس عشان شاف اختوو مبسوطه مره بس هوا حب كعادتوا يعطيها كم كلمه كدا تفهمها عشان لا تتسرع في حاجه وتكون غلط ..

رئيف : رورو حياتي ..
روان : هلا قلبي ..
رئيف : تحبيه ؟؟..
روان : آآآآآآه .. يب يـب
رئيف : يعني تبغيه معاكي عمرك كلوا ..
روان : يعني انته لو مكاني حتسيب عبير في لحظه زي كدا؟؟..
رئيف : بليز لا تقارني دي المقارنه عشان ما ابغى اهرج في ظهرها عشان انتي في موقف عشان انتي في موقف غير ..
روان : طيب .. انته ايش تقول .؟؟
رئيف : يا عيني يا عيني .. خلاص طيب .. اكلملك ماما وافرحها ؟..
روان : لئه اصحك .. يعني انا لسع ما اتخذت قراري .. تعرف انا ابغى اكمل دراستي واخلص الثنوي وان ربي اراد اكمل الجامعه .. انا عندي طموحات وخايفه تختفي لمن اتجوز ..
رئيف : طيب يا رورو يا حياتي انتي اشرطي عليه او حتى اتفقي معاه ..
روان : يبغالي .. امممم .. اشوفك حبيتوا ؟؟
رئيف : افــــــــاااا .. وكيف ما احب رحيمي المستقبلي ؟
روان : ههه هههه .. ياهووووو يا رحيم انته ..
رئيف : خلاص انتي اتفقي معاه ... ولا اقولك اعطيني رقمو حمستيني اعرفوا ..
روان : خلاص طيب بس بدون تريقه ..
رئيف : يا أخي هاتي الرقم والله ماني وحش عشان اكلوا ..

اعطتوا الرقم وكل شي وخرجوا هما الاتنين يتغدوا برى على اساس روان اللي عازمتوا من كتر فرحتها برجعه تامر لها ...

وهما في السياره روان حبت تكون صحبتها المقربه معاها
اللي هيا رغد بنت خالتها اللي كل اسرارها عندها والعكس كمان .. دقت عليها عشان تعرف حتجي ولا لئه ..

روان : الوو ..
رغد : هلا بالكبار...
روان : ههه هههه .. هلا عمري ..
رغد : خير متصله اليوم مو عوايدك ..
روان : ايوة في حاجه ... اقولك ايش عندك دحين
انتي ومحمد ؟
رغد : والله ماعندي حاجه وحمد مدري عنو ..
روان : طيب .. تتغدوا برى اليوم ؟؟ ولا بتجلسوا في البيت ؟؟
رغد : والله نفسي بس اقولك محمد مدري عنو ..
روان : خلاص طيب انا دحين اكلم محمد وأشوف الوضع واقولك .. انتي اتزبطي عبال ما اكلمووا ..
رغد : خلاص طيب يللا سلام .. انا بروح اكلم ماما دحين ..
روان : خلاص مو مشكله خاله كلمتها من زمان و قالتلي طيب..
رغد : ماشاء الله معبيه كل شي .. طيب يللا مع السلامه ..

** ** ** **

روان : محمد يا وااااد فينك ؟؟ فين داشر ؟؟
محمد : الله اكبر .. الناس يقولوا السلام عليكم مو لصق دفش كدا فينك ومني عارف ايش ..
روان : امممم .. بكيفي ..
محمد : كيفك .. انشاء الله بخير ..
روان : الحمد لله تمام ..يللا يا واااد فينك ؟؟
محمد : انتي ايش تبغي من يوم ما اتصلتي فينك وفينك ,
يا ستي انا في البيت مع رغد طفشانين ..
روان : امممم .. فاضي يعني دحين تروح وتخرج ؟
محمد : امممم .. ليش في حاجه ؟..
روان : اقولك اقولـك انته الواحد صعب يتفاهم معاك خد رئيف يبغى يكلمك ..
محمد : ههه هههه .. طيب هاتيه ..
روان : طيب
رئيف : الوو يا واااد ..
محمد : الوو هلا بأبو الشباب ..
رئيف : اهلين .. اسمع تتغدى برى اليوم مع رغودي ؟
محمد : والله ؟ يللا مافي مانع بس رغد ....
رئيف : ولا يهمك رغد تدري وتستناك في غرفتها فوق ..
محمد : الله الله ماشاء الله مخططين من ورايا ؟؟
رئيف : يللا نستناك مع رغد في ......... دقيقه دقـيقه اسأل روان فين رايحين .. روان احنا فين حنتغدى ؟؟..
روان : خلاص امممم .. نروح هارديز ايش رايك ؟..
رئيف : خلاص .. اسمع محمدوو نروح هارديز .. نشوفك انته ورغد هناك ..
محمد : طيب طـيب مسافه الطريق ونكون عندكم ..
رأيف : يللا see you man
محمد : see you man

> الجزء التامن<
وصلوا وكل واحد خرج من السياره وجلسوا فوق الطاوله وكل واحد كان قدام اختوا ..
روان : ايوه .. كيف حالك يا دبه وحشتيني ..
رغد : الله الله امس كنا مع بعض ..
روان : ادري بس من فرحتي وحشتيني اكتر ..
رغد : لئه .. لا تقولي .؟؟.. تـــــامر ؟
روان : يب يـب .. كيف عرفتي ؟..
رغد : اللي يجلس معاكي يوم ما حبيتي تامر من كم سنه يعرف انتي اشبك دحين .. ^^
روان : لا يا شيخه ؟..
رغد : من عيونك باين رجعت ليها لمعتها حقت زمان ..
روان : ااهاا ... رغد يخليكي ليا ..
رغد : وليا كمان ..
يقاطعهم محمد : ها يا قماري انتوا .. اشوفكم نسيتونا ؟؟.
روان : ما عاش ولا اتولد مين ينساك ..^^
محمد : طيب يللا ايش طلباتكم عشان نتغدى ترى بطني خلاص طلعتلها صوت ..
رئيف : يا الله قد كدا جيعان ؟؟ ايش ما فطرت في بيتكم ؟
محمد : لا ما فطرت عشان كدا بطني طلعتلها صوت
رئيف و روان و رغد صاروا يضحكوا مع بعض على محمد في نفس الوقت إلا محمد يقول : أقول انتوا لا تكتروا
ضحك ها .. انا انسان جيعاااااااااان ..
رئيف : خلاص يللا يا بنات طلباتكم على كيفنا ..
روان و رغد : خلاص طيب مو مشكله

وبعد الغدا و الكل مبسوط وشبعان محمد كان طفشان وقال :
ها يللا يا حلوين ..نهبق صيرفي ؟
روان : امــــــااا .. تهبيقات وفي العصر ؟؟
رئيف : رورو بالله عليكي يللا خلينا نروح ..
رغد : ههه هههه .. اول مره اشوف الكبير يترجى الصغير .. غريـــــــــــــــــــبه !!!
رئيف : شفتي كيف .. بس يللا ما عندنا غيرها خليها تتـدلع قبل ما تروح ..^^
محمد : قبل ما تروح ؟؟.. فين تروح ؟؟..
رئيف : ما قلتلك ؟.. رورو اختي حتنخطب ..
محمد : اماا ؟ .. يللا الف مبروك مقدما يا رورو .. تراها مو بس اختك تراها اختي كمان لا تنسى ..
روان : ههه هههه .. الله يبارك فيك .. بس مدري اوافق ولا لئه لسع ما قررت ..
محمد : وليش ما توافقي ؟ ... اسمعوا عشان احلى خبر اليوم حنروح كوفي وبعدها نهبق ... مين عندنا اغلى من رورو ..
رغد : اشوفك اتحمست ونسيت انو عندك اخت تانيه ؟؟
محمد : خلاص بس عندنا اتنين رغودي حياتي و رورو عمري ..

وهما عند السيارات محمد جا وقال لرئيف و روان ..
محمد : اسمعوا ايش رأيكم نتبادل الاخوات والأخوان ؟!؟..
رئيف : كيف يعني ؟؟؟..
محمد : يعني انا آخد روان وانته تاخد رغد ..

روان : ياااااي .. انا اركب معاك ؟؟ مره مو مستوايا ..
ههه هههه ...
رغد : ههه هههه .. من جد اصلا الواحد لمن يركب معاه السياره يجيب النوم ..
روان : من جدك ؟ ... اقولك تعالي هنا مع رئيف خليني اعدلوا الجو في السياره عشان يليق بيكي يا عيوني ..
محمد : لا يا شيخه بتجي بس عشان تعدلي الجو في السياره ؟ لئه تعالي انتي عروستي الجديده لازم نبسطك ..^^
روان : لا يا شيخ عروستك قلت .. اقولك بالمره ارتاااح ..
ههه هههه
محمد : مرتاح طال عمرك .. وعروستي طبعا مو اختي حبيبتي ؟؟.
روان : الله الله ع الدلع لو ادري كان انخطبت من زمان عشان ادلع ..

محمد : يا الله من تبغي تتدلعي ؟ كان قلتي من ساعتها
و دلعتك ..
روان : لا يا شيخ .. بس اسكت و ألحقهم ..

روان اصلا تصير اخت محمد و رغد بالرضاعه حتى رئيف لأنو حليب امهم ما كان يكفيهم فعشان كدا خالتهم رضعتهم وصاروا الاربعه اخوان بالرضاعه

طيب كده حمستينا وماكملتيها...
لازم نعزمك يعني..ههههههه

خخخخخخخخ

طيب طيب ولا تزعلي ياستي ^^

اهووهـ التكملة ..

.. الجزء التاسع..
وفي السياره عند رئيف و رغد ..
رغد : ريوف .. اختك و اتخطبت وراح تتجوز .. انته ما تبغى تبني لك اسره لحالك ؟؟
رئيف : ها .. كيف ؟؟.. والله يا رغد البنت اللي بنيت احلامي كلها معاها راحت ومن غيرها حياتي و اسرتي اللي حأبنيها
ما لها اهميه .
رغد : طيب مدام كدا ليش ما ترجعها تبدأ تبني مستقبلك من الاول معاها ؟؟؟..
رئيف : رغودي .. ليا طلب عندك ..
رغد : عيوني .. ايش تبغى ؟
رئيف : تسلملي عيونك الحلوه دي ..
بس كنت ابغاك تدقي على .........
رغد : مين ؟...عبير ؟...
رئيف : ايوه لو سمحتي ... ممكن ؟؟
رغد : بس كدا ؟. من عيوني .. رغوده تحت ايدك ..
رئيف : يختي عليكي وعلى قلبك ..^^
رغد : طيب ممكن سؤال ؟؟..
رئيف : انتي تآمري آمر خلاص راح تطمنيني على عبير ايش ابغى اكتر من كدا .. خير ايش تبغي ؟
رغد : انته ليش ما قلت لروان تتصل على عبير وعرف اخبارها منها ؟؟؟
رئيف : تبغي الصراحه .. اولا .. هيا تعرف اني ما ابغى اجيب سيرتها دحين ..
تانيا .. ما حبيت انزعلها فرحتها بخطبتها .. وعلى فكره احنا فين رايحين ؟؟..
رغد : والله مدري اسأل اللي عازمنا ..
رئيف : طيب دقيقه ... الوو يا واد فين رايحين ؟.
محمد : يا سيدي دقيقه اخد رأيي عروستي ..
رأيف : يا واد عروستك ؟؟.. اقولك اهجد فين اختي ؟.
محمد : ههه هههه ..لا تخاف اختك في عيوني .. دقيقه اكلمها ..
رورو حياتي فين تبغي تروحي ؟؟..
رئيف : يا واد ايش حياتي ؟؟ اقولك زودتها .. وقف على جنب ابغى اختي وروح لوحدك ..
روان : ميدو .. نروح نكهة القهوة ؟؟؟
محمد : نكهة القهوة نكهة القهوة العروسه قالت كلمتها ..
رئيف : ههه هههه ... خلاص طيب نكهة القهوة ..
محمد : يللا نشوفك ..
رئيف : يللا سلام ..

قفلوا الاتنين الخط و رئيف طالع في رغد لقاها ساكته وعيونها مدمعه شويه و بتنزل خلاص فقال :
رغوده .. اشبك يا قلبي ليش تبكي ؟
رغد : آهـ انته واجعلي قلبي ..
رئيف : انا ؟ ليش ؟؟...
رغد : خلاص ولا شي ..
ومسحت دموعها ومسكت جوالها وقالت لرئيف :
ايوة .. يللا اعطيني رقم عبير عشان اطمنك عليها قبل
نوصل ..
رئيف : خدي جوالي عشان ابغى اسوق و الباس وورد
32966 افتحيه وافتحي الاسماء و اكتبي بالــ E ..(only).. وخدي الرقم مكتوب ( only my love) ..
رغد : الله الله only my love كمان ..
رئيف : خلاص .. شويه و اختفي ..
رغد : ههه هههه .. طيب خلاص ..
و اخدت الرقم واتصلت عليه
رغد : الوو .
عبير : الوو ؟.
رغد : هاي .. كيفك ؟؟.
عبير : هااياات .. انا تمام .. مين ؟؟ ..
رغد : انا رغد ..
عبير : رغد مين سوري ؟؟..
رغد : ههه هههه .. يا قلبي انا من طرف رئيف ..
عبير بارتباك : رأيف ؟. خير رئيف فيلوو حاجه ؟؟..
لا سمح الله ؟؟ ..
رغد : ههه هههه .. لا تخافي رئيف ما فيلوو الا العافيه ..
عبير : اشـــوه .. خوفتيني ..
رغد : يا قلبي .. لا تخافي عليه مدام هوا مع رغوده ...^^
عبير : الا مو انتي بنت خالتو ؟ صح ولا لئه ؟
رغد : الا يا عيوني انا بنت خالتو ..
عبير : انتي معاه دحين ؟..
رغد : هاه .. امممم .. ايوه معاه ..
رئيف يأشر بإيدوا انو وصلوا الكوفي وانو يعطيها الجوال عشان يبغى يكلم عبير ..
رغد تضحك وتقول : عبوره رئيف يبغى يكلمك تقدري ؟..
عبير : امممم ..طيب مو مشكله ..
رغد : يللا يا قلبي توصي شي ؟..
عبير : لا تسلمي يا عيوني ^^ انتبي على نفسك ..
رغد : الله يسلمك .. انشاء الله ..

**( الجزء العاشر)**

يوصل محمد و روان الكوفي ويدخلوا مع رغد و سيبوا رئيف بره بعد ما قلهم انو بيوقف بره شويه يشم شوية هوا ويآخدلوا كم سيجاره ..

رئيف بشوق : الوو ..
عبير : الوو ..
رئيف : هلا هـلا ..
عبير : اهنين اهـنين ..
رئيف : كيفك يا عمري ؟ ..
عبير بخجل : تمام .. وانته ؟
رئيف : انا تمام دام انتي بخير ..
عبير : ايش مسوي ؟ وفين داشر ؟
رئيف وهوا دوبوا اخد نفس من السيجاره و مخرجها عشان يرد على عبير : اوووووف .. اممممم .. ولا مكان بس اتغديت بره مع رورو و محمد و رغد ..
عبير : اممممم .. انته جالس تدخن ؟؟..
رئيف بحسره : ايوة ..
عبير : ومن متى ؟؟..
رئيف : من يوم ما سبتيني وانا ادخن ..
عبير : ليش ؟.. يعني دحين انا السبب في رجوعك للدخان ؟..
رئيف : اممممم .. تقدري تقولي ..
عبير : طيب ممكن طلب ؟؟..
رئيف : هلا من زمان على طلباتك .. ايش تبغي ؟؟..
عبير : ابغاك تبطل دخان تاني ..
رئيف : بس كدا .. خلاص هاه ( دعس ع الدخان اللي كان قاعد يشربوا ) و اعتبريني بطلت خلاص ..
عبير : انا ابغى قول وفعل مو بس قول ..^^
رئيف : خلاص ولا يهمك طلباتك اصلا اوامر ..
عبير : رئيف ..؟..
رئيف : يا عيون رئيف انتي ..
عبير : وحشتني ..
رئيف : و انتي اكتر ..^^
عبير : قد ايش ؟
رئيف : امممم .. قد الدونيا واكتر ..
عبير : لا يا شيخ صدقتك ..
رئيف : اقولك فين رايحين اليوم ؟؟..
عبير : اممممم .. على ما اعتقد رايحين صيرفي بعد المغرب..
رئيف : من جدك .؟؟ يعني اقدر اشوفك هناك ؟.. اصلا قلنا نهبق مع البنات انا ومحمد هناك ..
عبير : خلاص اوكي .. الا قولي ما اسمع صوت احد جمبك الا صوت الهوا و السيارات ..
رئيف : ايوه .. انا في الحمرا خليتهم يدخلوا الكوفي وانا جلست برى في الشارع ..
عبير : ههه هههه ..
رئيف : يا قلبــــــــــــــي ..
عبير : اشبوا قلبك ؟؟
رئيف : وحشتوا ضحكتك الحلوه ..
عبير : طيب يللا اخليك معاهم ديحن بس قولي عسى بس ما اطمنت عليا خلاص ؟؟.
رئيف : الا خلاص اطمنت قلبي وبالي ارتاحوا مدام سمعوا صوتك وشويه عيني حتشوفك ..
عبير : ايوه ترى ما راح اجلس معاك حجلس
مع اخواتك بس ..
رئيف : آآآآآآآهــ يا حضهم .. طيب مو مشكله بس اسلم عليكي و اخد محمد و نروح ..
عبير : ههه هههه .. ليش فين تروحوا خليكم معانا ..
رئيف : لا عيب .. ما ابغى محمد يشوفك واسمعي لما تشوفي محمد مع البنات غطي وجهك ..
عبير : ليش انشاء الله دا كلوا ؟.. تغـــــــــــار ؟؟..
رئيف : اجل ايش .. لو ما اغار عليكي اغار على مين ؟؟..
عبير : يا الله تغار عليا حتى من اخوك ؟؟؟.
رئيف : ولو اخويا برضوا ما في ولد غيري يشوفك ..
عبير : ههه هههه .. طيب خلاص .. هادا رقم رغد ؟؟.
رئيف : يب يـب ..
عبير : خلاص لمن اوصل ادق عليها ..
رئيف : اممممم ... طب خلاص ..
عبير : يللا مع السلامه .. انتبي على نفسك ..
رئيف : يللا مع السلامه .. بس ليش انتبي على نفسي ؟؟..
عبير : اخاف عليك يا روحي ..
رئيف : آآآآهـ على اللي تخاف عليا دي ..
عبير : و اشبها انشاء الله ؟؟..
رئيف : احبها مـــــــــــــــــــــــــــوت ..^^
عبير : وهيا تحبك كمان .. يللا ما اطول ع البت
الحساب عليها ..
رئيف : ايوة والله ... لازم اعوضها ..
عبير : يللا سليملي عليهم .. مع السلامه ..
رئيف : انشاء الله يوصل .. يللا مع السلامه ..

وقفلوا الاتنين وكل واحد طاير من الفرحه مو عارف ايش حيسوي بعد كدا ..

$ الجزء الاحدى عشر $

دخل رئيف عليهم في الكوفي وكان في احسن حالاتوا من بعد فتره روان حست انو في شي رئيف صاير بس سرحان ومره مو معاهم بعد ما اعطى لرغد جوالها حب انو يشكرها فقالها :

رغوده يا عمري اللي نفسك فيه اطلبيه احنا تحت امرك ..
رغد : لا يا قلبي يسلمـــــــــــو مشكور ..
بس روان ارتاحت اكتر لما عرفت انو في الحكايه كلها رغد عشان مره تتطمن لها وغير كدا انها شافت اخوها مره مبسوط وحبت تجس النبض فقالت :
ريوفي خير اشوفك مبسوط اليوم ؟.. ايش سار معاك
وانته برا ؟؟.. ايش قدرت ترقم وحده عند المحطه ..هههه ههه
رئيف : اقولك اوووس اووووس يللا ..

وبعدها مسك جوالوا وكتب رساله لروان :

رورو يا عمري دوبني كلمت عبير وهيا بخير وتسلم عليكي مره .. وتقول انك مره وحشتيها .. وربي مبسوط يا رورو ..

> و ارسلها <

قريت روان الرساله وهي مبسوطه عشان اخوها وهي كل ما تقرا

كلمه تطالع في اخوها و ردت :

الله يديم عليك فرحتك معاها يا اخويا .. و سلملي عليها كتير .. ولما نرجع البيت ابغى اكلمها ..

قرا رئيف الرساله ورد عليها :

الله يخليكي ليا يا اختي .. ولا تخافي ترى حتشوفيها اليوم بعد ما نخرج ونروح صيرفي ..^^

لاحظ محمد الرسايل الرايحه و الجايه اللي بين الاخوان فدخل نفسوا بينهم ..

فقال : هيي انتوا .. ترى احنا جالسين معاكم .. ^^
رورو يللا قوليلنا مين عريس الهنا اللي بياخدك ؟
روان : ههه هههه ... يا سيدي واحد و خلاص ..^^
محمد : لئه .. انا ابغى اعرف اسموا ... عمروا ...؟؟؟ ..وفين يشتغل ؟؟..
روان : يا سيدي اسموا تامر عمروا 24 سنه امممم ...
يقاطعها محمد : استني اسـتني تامر عبد الله مهداوي ؟ طويل كدا شويه اسمر يشتغل في ارامكوا ؟؟
روان : ايوة .. وهه هوا انته تعرفوا ؟؟
محمد : ايوه يا شيخه هادا صاحبي الروح بالروح ..
رئيف : امــااا .. يعني قيد شفتا قبل كدا .؟
محمد : لا ما اعتقد .. بس الواد حليوه وتعم و اخلاقوا مره حلوه ..
رغد : ما شاء الله يعني انته تعرف تامر من اول ما قولتلنا ..
محمد : اصلا محد قلي ..
رئيف : وهادا تاني سبب يخليني احبوا اكتر ..
محمد : اصلا الواد مره حبووب ويتحب بسرعه ..^^
رئيف : دام انته تقول كدا دحين عرفت كيف رورو حبتوا بسرعه ..^^
محمد : دقيقه اتصل عليه ..
روان : يا واد ايش تتصل عليه ؟؟..

محمد : استني دقيقه .. الوو ..
تامر : الوو .. يا هلا ..
محمد : يا اهلين بعريس الهنا ..
تامر : عريس الهنا ؟.. و مين قلك اني بتجوز ؟؟
محمد : العصفوره حقتي جات و قالتلي ..
تامر : يللا بلا بهلله من جد مين قلك انا ما قلت غير للعروسه مصرع وصلكم الخبر؟
محمد : يا وااد بتجي تخطب اختي وما تقولي ؟؟
تامر : اختــــــــك ؟؟؟
محمد : مو عروستك اسمها روان محمد غريبي ؟؟؟
تامر : اهاا ؟؟ >_< كيف تعرفها ؟؟
محمد : اقولك اختي تقولي كيف تعرفها ..
تامر : انا مني فاهم ؟؟..
محمد : انا افهمك روان تصير اختي بالرضاعه وبنت خالتي كمان ..
تامر : يا هوووو يعني حنصير ارحام ..؟؟
محمد : يب يـب وانا اتشرف بكدا ..^^ يا وااد عروستك جمبي ..
تامر : جمبك ؟؟ يا واد اكيد اخوها معاك و معاها ؟؟..
محمد : اكيد و رئيف جمبي ..^^
تامر : وي يعني رئيف يعرفني ؟؟..
محمد : يووووه .. من ايام رستووم
تامر : خلاص خـلاص اكلمك بعدين انا خايف من لا يسوي شي بروان ..

^^ الجزء التاني عشر ^^

يقفل تامر الخط في وجه محمد فقال : رئيفوو .. عندك رقم دا الدلخ ؟؟
رئيف : ايوه عندي ليش؟؟..
محمد : الدلخ دا خايف انك تسوي شي لروان دق عليه وكلموا ..^^
رئيف : ههه هههه مسكين ما يدري مين اللي بيضرب التاني ..
روان : ايش قصدك يا معفن اصلا انا ما اضربك غير حقت مزح ..^^
محمد : خلاص يللا دق عليه خلينا نشوف ايش يسوي لما يعرف انو انته بتكلموا..
رئيف : يكون في العمل دحين ؟؟ الـــساعه 5 العصر ؟؟
محمد : ايوه يخرج من العمل 7 بعد المغرب ... دق على مكتبوا ..
رئيف : طيب دقيقه ... الوو ..
تامر : الوو .. مرحبا ..
رئيف : اهلين .. شركه ارامكوا ؟.
تامر : يا اهلين ..
رئيف : لو سمحت عندكم العميل تامر مهداوي ؟؟..
تامر : معاك طول الله بعمرك تامر مهداوي ..
رئيف : والله انا اتصلت بسألك تجي اليوم في صيرفي ^^
تامر : وخير انشاء الله ؟؟
رئيف : ابغى اشرب معاك فنجان قهوة ..
تامر : و مين معايــــــــــــا ؟؟
رئيف : ههه هههه .. معاك اخو عروستك ..
تامر : اخو عروستي ؟؟.. مين رئيف ؟؟..
رئيف : اهلين .. ايوة رئيف ليش مفجوع ؟؟..
تامر : لا مفجوع ولا حاجه .. بس ....
رئيف : لا بس ولا شي يللا تعال ومره وحده تشوف عروستك ولا ما تبغى ؟..
تامر : يللا مو مشكله خلاص اجيكم بعد ما اخرج من العمل اروح البيت ابدل و اجيكم على طول ..
رئيف : خلاص يللا روان تقولك انتبي عل نفسك ..^^
تامر : ههه هههه ... طيب خلاص من عيوني ..
رئيف : يللا سلام ..

رخى الاتنين و تامر مو مصدق نفسوا انو كلم رئيف وقلوا ابغى اشوفك
و اول ما انتهى دواموا راح البيت بدل ملابسوا و جري ع الصيرفي ..
رئيف لما رخى صار بس يضحك هوا و محمد اما روان و رغد جلسوا يتكلموا عن تامر و ايامه الحلوه و الذكريات الكيوت ^^
وفي الطريق بعد ما خرجوا من الكوفي كل واحد رجع مع اختوا ومبسوطين دخلوا الصيرفي وكل واحد يمر يطالع فيهم لأنهم بنتين وولدين كأنهم مديتيين مع بعض ..

و محمد كل ما تمر وحده حلوه من جمبوا يطالع فيها عاد روان ماسكتوا ماشيه معاه فتقولوا : هيي انا جمبك .. ما يكفي ؟؟..
محمد يكون مسرح فتدقوا روان يصحى يقول : ايش ؟؟.. الا تكفي تكـفي ..
روان : اقولك اهجد ترى عندك اخوات في البيت ..
محمد : طيب احنا ما سوينا شي ...^^

رغد : يللا نلعب نتسلى شويه قبل الحبايب ما يجوا .. ولو لعبتين ..بلـــــــــيز..
روان : يللا يلا بليز .. بليــــــــــــــز ..
محمد : مدي لا تكلموني هرجوا الكبير ..
رغد : ايوه دحين هوا صار الكبير هاه .. آآآخ منك بس ..
رئيف : خلاص لعبتين بس .. اهم شي الحساب على مين ؟؟ ^^
روان : خلاص ... يووووووه منك ... الحساب عليا ليكم انتو التلاته ..بس زي ما اعرف انو انتو تدلعوا العروسه مو هيا تدلعكم ؟؟..
محمد : وي وي وي ... و ليش قمري زعلان ؟؟..
رغد : خلاص ولا تزعلي الحساب عليا .. ايش تبغي اكتر من كدا ؟
رئيف : والله لو الحساب كان عليا محد ياخدوا بدالي .^^
محمد : اكيد هيا مو أي وحده ... مو زيك ..

لعبوا و خلصوا وانبسطوا و قعدوا يتمشوا في المول و شويه جوال محمد يرن اغنيه عبد المجيد سلامتك يعرف محمد انو تامر يرفع السماعه ..

....(( الجزء التالت عشر )....

تامر : الوو ..
محمد : اهلين ..
تامر : انا بره مين يجي ويدخلني ؟؟
محمد : امممم .. انا مقدر ادخلك ولا رئيف ..
تامر : اجل ارجع البيت و الأخ رئيف هوا اللي طالبني ؟.
محمد : خلاص دحين ارسلك وحده ادخل معاها ..
تامر : مين هيا ؟.
محمد : مالك شغل ارسلك و حده بس لا تهرجها ..
تامر : طيب خلاص ... بس كيف حأعرفها ؟؟...
محمد : ولا يهمك دحين تطلعلك بنت ملتمه وشايله شنطه زرقا و معاها وحده تانيه..
تامر : خلاص يللا استناهم .. بس بسرعه السكيرتي جالسلي ع الوحده ..
محمد : قفل دحين تجيك ..
تامر : يللا سلام ..

** ** ** **

محمد : رورو – رغوده اندروا بره عند الباب في تامر دخلوه وجيبوه هنا ..^^
روان : يا سلام حلوه دي انتوا تعزموه واحنا اللي ندخلوا ..؟!..
رغد : رورو يلا حمستوني اجلس و اهرج معاه ..^^
محمد : اقولكم تروحولوا ولا اقولوا روح ؟.
روان : لالا خلاص طيب .... يللا يا بت ...
رغد : هههه ههه .. يلا طيب ..

وهما خارجين لقوا تامر متشيك وكل بنت تخرج تطالع في تامر عاد روان لما شافت البنات ... طبعا تامر ما كان معطي البنات وجه مرررره راحت روان جري مسكت يدوا وهوا مفجوع ومشيت ودخلتوا وهما رايحين لمحمد ورئيف تامر لسع ما صحي من صدمتوا ..

تامر : مين انتي ؟؟..
روان وهيا تضحك : ههه هههه ... افااا ما عرفتني ؟
تامر لما سمع الصوت صلح نفسوا وصلح مسكت ايدوا ليد روان وقال :
إلا عرفتك ,واااااااااو مني مصدق ماشي جمب حبيبتي ومحد قدي ..
روان : اووووف .. قد كدا مبسوط ؟
تامر : يوووه اكتر من كدا كمان ..
رغد : احم احـم .. ترى احنا هنا ..
تامر : رورو مين دي ؟؟
روان : ههه هههه .. دي رغد .
تامر : هاي رغوده كيفك ؟؟.
رغد : تمام و انته ؟.
تامر : تمام بشوفت بنت خالتك ..
روان بخجل : تامر عاد مو قدامها ..^^
تامر : يووووه منك ..
رغد : تراهم قاعدين يطالعوا فيكم ويضحكوا .
روان : من جد ؟ سيب سيــب يدي لحد منهم يشوفنا ..
تامر : من جد اصلا اخوكي معضل لا يروح يبكسني كم بكس واروح فيها ..
روان : بعيد الشر عنك . اصلا لو سواها لا اوريه ..

"" الجزء الرابع عشر ""

وصلوا عند الشباب وسلم تامر اول شي على محمد بعدين على رئيف و طلبوا التلاته كبتشينوا وجلسوا يهرجوا على الطاوله لوحدهم والبنات في طاوله تانيه ..

مرت ساعه ساعتين وصار الساعه 9 بعد العشا والين دحين عبير ما جات ولا اتصلت ولا حاجه ورئيف بدأ يقلق على عبير مو معقوله وعدتوا وقالتلوا بعد المغرب حنكون عندكم و ما تجي .. شي ما يخل العقل حاول يتصل عليها كم مره بس للأسف ما ترد و آخر مره دق عليها جوالها كان مقفل ..

تامر كان جالس يكلموا بس ماكان معاها محمد انتبه لسرحــــــــان رئيف و حاول يدخلوا معاه في الجو بس كان تفكيروا رايح كلوا لعبير ..

رغد شافت كيف رئيف قلقان على عبير وقالت في نفسها ليش ما احاول و اجرب ادق عليها يمكن ينفع معايا ..

حاولت تدق لمده ساعه ونص وصارت 10 وربع ورغد حست برئيف شويه كدا قالوا يللا خلاص نرجع البيت ..

قاموا وكل واحد ركب سيارتوا وقبل ما تامر يروح كلم روان وقلها ..

تامر : روان .. انتبي على نفسك ..
روان : خير انشاء الله .. وانته كمان وبشويش في الطريق ..^^
تامر : آهـ يا قلبي .. طيب خلاص يللا مع السلامه ..
روان : مع السلامه ..

و بعدها كل واحد ركب السياره وهوا مبسوط ع الآخر إلا رئيف مو متهني بعيشتوا إلا لما يعرف عبير ليش ما جات اليوم ..

ورغد طول الطريق الجوال ما راح من يدها ثانيه و محمد شك في الموضوع فحب يعرف الهرجه عشان لو كان في يدو شي ويقدر يساعد في حاجه ولا لئه ..

محمد : رغد ؟. ايش الهرجه ؟ شايفك مشغول بالك انتي على رئيف في شي ؟؟..
رغد : محمد والله هوا في شي .. لأنو عبير قالت اها حتجي و ماجات و رئيف مشغول باله كتير عليها وشغلي بالي معاه ..
محمد : امكن ما فيها شي .. يمكن بطلوا مو شرط عشان ما جات يكون صايرلها شي لا سمح الله ..
رغد : والله رئيف ما راح يرتاح إلا لو سمع صوتها .. وهيا ما ترد على جوالها وكان في ساعه مقفل جوالها ..
محمد : يا الله .. الله يعين ريوف ..
رغد : من جد الله يعينوا ..

وشويه وصلوا البيت اما عند رئيف وروان ..

رئيف كان ماشي بسرعه شويه و يصفي الطبلون كان ماشي 200 .. وروان كانت مره خايفه على اخوها وعلى نفسها في الوقت نفسه فقالت ..

روان : رئيف اشبك ؟. ليش مسرع قد كدا ؟ هدي شويه ..!!
رأيف اول ما سمع كلام روان قام يبكي وقال : روان .. عبير ما جات وهيا قالت انها جايه الصيرفي بس ما جات ليش ؟ ليش ؟... ادق عليها ما ترد و شويتين
جوالها مقفل .. والله خايف يصير لها شي والله خايف خايــف يا روان ..
روان : طيب يا رئيف هدي هـــدي اشبك ؟؟.. انا اعرف انك قوي مو ضعيف
لهادي الدرجه ..
رئيف : والله مو بيدي مــو بيدي ... عقلي قام يودي و يجيب مو قادر اتحمل ..

وبعدها جنب على جنب وقام وغسل وجهه بمويه كانت في شنطة السياره ورجع وركب السياره تاني ..

روان : حبيبي خدلك نفس وبعدين نكمل ونرجع البيت .. طيب ؟؟
رئيف وهوا يتناهد : طيب طـيب .. بس واللهي قلقان عليها ..
روان : لا تخاف ان شاء الله ما فيها إلا العافيه ..
رئيف : بس انا قلبي ناغزني من بعدما جا تامر وجلسنا شويه وما اتصلت ...

وااااااو حماس..

وهاادي التكمله عشاان عيوون احلى اميرة .. Smile

(( الجزء الخامس عشر ))

بعد كدا حركوا بعد نص ساعه وصلوا البيت سلموا على امهم و راحووا غرفهم راحت روان غرفتها بدلت بسرعه بســرعه و راحت غرفه رئيف لما دخلت لقتوا جالس يبكي فوق مخدتوا ..

روان : رئيف اشبك ؟؟ طيب دق عليها يمكن ترد دحين .؟
رئيف : دقيت دقيــت و برضوا ما ترد ..

وجلسوا يتكلموا .............. وفي بيت رغد و محمد ..

محمد : رغد اتصلي دحين يمكن ترد ؟؟.. دوبها روان كلمتني تقول انو رئيف حالتو زفت مره و اعصابوا منهاره ..
رغد : يا قلبي عليه .. طيب دقيقه اجرب ..

بعد شويه ...

رغد : محمد محـمد ردت ردتـــ دقيقه .. الوو
........ : الوو
رغد : لو سمحتي هادا مو جوال عبير ؟؟
......... : ايوة .. بس يا بنتي عبير في المستشفى دحين ... وهيا في العنايه المركزه
رغد : مستشفى ؟؟ طيب مين معايــــــــــا ...
....... : معاكي امها يا بنتي ..
رغد : يا خاله عبير في أي مستشفى ؟؟؟..
ام عبير : في (المستشفى الطبي التخصصي ). بس مانعين عنها الزياره لحد الآن ..
رغد : طيب يا خاله ربنا يقومها لكم بالسلامه و ترجع لكم سالمه ..
ام عبير : الله يخليكي لاهلك يا بنتي يا رغد ..
رغد : خاله كيف عرفتي اسمي ؟؟..
ام عبير :عبير بنتي مسميتك في جوالها رغوده حبيبه قلبي شكلك قريبه منها ..
صح ؟؟
رغد: هاه اممم ايوه أيـوه .. طيب اسيبك معاها دحين ..
ام عبير : مع السلامه يا بنتي ..
رغد : مع السلامه .

رغد :محمد مـحمد البنت طلعت في المستشفى في العنايه المركزه كمان ..
محمد : ليش ؟ اشبها ؟؟
رغد : مدري ما سألت امها ..
محمد: لازم تقولي لرأيف بسرعه ..
رغد : اكيد بس خايفه عليه لا يصير له شي ..
محمد :انتي قوليلوا اهم شي يدري عنها ولو بحاجه زي كدا ..
رغد :خلاص خـلاص ... دقيقه ..
رئيف : الوو ..
رغد : الوو ..
رئيف : رغد قلبي عرفتي شي عن عبير ؟؟
رغد : رأيف .. عبير في المستشفى في العنايه المركزه ..
رئيف : إيــ ..... ـيـ .... إيش ؟؟ في المستشفى !! أي مستشفى ؟؟ ايش صاير لها ؟
رغد : في المستشفى الطبي التخصصي .. مدري انا كلمت انها و عرفت هما فين بس
ما سألت اشبها ..
رئيف : ياربيـــــــــ .. كان قلبي حاسس انو فيها شي..
يلا يللا قفلي حآخد روان و نروحلها ..
رغد : ما راح تلاقوها .. الدكاتره ما نعين عنها الزياره ..
رئيف : قلتلك قفلي رايحلها يعني رايحلها .. سلام ..

رخى السماعه و عيونوا مليانه دموع راح لروان و قلها بتجي معاه ولا لئه .. وها طبعا ما حبت تسيب اخوها يروح لوحده عشان لو راح لوحدوا ايش حتكون ردة فعل اهل عبير ... و لبس رئيف ملابسوا بسرعه و روان لبست عبايتها و ركبوا السياره و في الطريق دقت امهم على جوال رئيف و ردت روان...
ام روان : روان ؟؟ فين رحتوا انتي و اخوكي نص الليل .؟؟
روان : ماما لا تخافي ساعه بالكتير و نكون عندك ..
ام روان : طيب انتبوا على نفسكم ولا تتأخروا .. يلا مع السلامه
روان : ان شاء الله .. يللا ع السلامه ..

وصولوا المستشفى و سأل رئيف عن غرفه عبير و يروح هناك طبعا راح على انو اخو صحبة عبير اللي هيا روان .. روان راحت سلمت على ام عبير و اختها و اطمنت عليها و عرفت حكايه عبير و ايش اللي خلاها تدخل العنايه ..

كانت عبير خلاص لابسه عبايتها عشان تروح الصيرفي زي ما قالت لرئيف بس

شويه و يجي خالها يضارب معاها و كان في جر و جزب في الكلام و سب و كلام كتير و في النهايه و صلت للضرب واخدت عبير كف من خالها لأنها ردت عليه لدرجه وصلت لانهيار عصبي شديد دخلها العنايه و نقلوها بسرعه للمستشفى حاول اخوها ياخد الضربه بدال عبير بس جا في وقت متأخر لأنو كان برى البيت وصار اللي صار و الين دحين ما صحيت من ساعتها والساعه دحين 12 ونص بعد نص الليل ..

" الجزء السادس عشر "

رئيف حاول انو يكون قوي قدام اهل عبير و بالذات لمن عرفوا انو اخو صحبتها فلازم ما يحرج نفسوا قدامهم في زي كدا مواقف ..

ابوها واخوها و رئيف كانو في الويتينج يستنوا عبير تصحى من اللي هيا فيه ومن غير محد يحس سحب رئيف نفسوا وراح لحد غرفتها و شافها من ورى القزاز طبعا هادا بعد ترجي و جلوس دام ساعه عند الدكتور عشان يشوفها وما يقول لاحد من اهلها ..

راح و شافها و هيا فوق السرير لا حول لها ولا قوه و في يدها مغروز المغذي كان شكلها مره تعبان و خدها احمر من الكف اللي اخدتوا بعد ما عرف حالتها من الدكتور اتصلت عليه روان ..

روان : ريوفي حبيبي جلستنا هنا ما راح تنفعها في شي امشي نرجع البيت ..
رئيف : روان مقدر انام الليل على كدا لو روحت معاكي ..
روان : طيب .. بس برضوا لا تنسى انو ماما تستنانا في البيت و جلستنا هنا من غير فايده ..
رئيف : طيب بس بشرط نرجع لها الصباح ؟؟.
روان : طيب يا سيدي نرجع الصباح ..
رئيف : يللا استناكي عند السياره تحت ..
روان : طيب .. اسلم على امها بس اجيك ...

رخت روان من رئيف و راحت لام عبير
روان : يللا يا خاله الله يقومها بالسلامه يا رب ..
ام عبير : شكرا يا بنتي تعبناكي معانا ..
روان : لا يا خاله لا تعب ولا حاجه .. عبير دي اختي مو زيها ..يللا استأذن انا ..
ام عبير : الله يسهلك و يحفظك يا رب

** ** ** **
" الجزء السابع عشر "

و نزلت روان لقت اخوها مستنيها في السياره و اعصابوا مره منهاره ع الاخر ..

روان : رئيف اشبك حبيبي فيك شي ؟؟.
رئيف : روان .. شفتها كانوا حاطين لها المغذي وحالتها مره صعبه ..
روان : طيب .. بس لا تسوي في نفسك كدا ..
رئيف : خلاص ما يهمني شي دحين ..
روان : ولا حتى هيا ؟؟ بالعكس المفروض تكون اقوى من كدا عشان تعطيها امل و تعرف انك معاها ..
رئيف : صح كلامك ( مسح دموعوا ) لازم اكون اقوى ممن كدا بكتير ..^^
روان : يا قلبي عليك يللا ودينا البيت دحين ..
رئيف : يللا ..

وراحوا البيت و بالو مشغل في عبير و حب اليوم التاني في الصباح يرسل لها ورد ياسمين من النوع اللي عبير تحبوا و يكتب في الكرت :

(( يا صباح الورد اللي احلى من الياسمين .. بعطيكي امل اكبر من اللي عشتيه ..
انا معاكي لو مو بجسمي بروحي وعقلي .. حبيت انك تكوني احسن لما تكون اول مره اشوفك بعد كل ديك الغيبه .. و ياريت اللي فيكي فيا ولا اشوفك بهالحال يا قلبي ..
ما حبيت ازعجك وتكون اول شوفاتك لي بدموعي ))..

و هدى بالوا و نام كم ساعه صحي الساعه 9 الصباح وقت الزياره و راح
للمستشفى و عرف انو عبير خرجت من العنايه و صحيت و نقلوها غرفه عاديه ..
فرح و اشترى لها الورد و حط الكرت فوقها اللي كتب فيها كلاموا و راح حطها عند الباب غرفتها و ساعتها ما كان في احد في لغرفه غير عبير و اختها جواهر اما الباقيين رجعوا البيت يريحوا كم ساعه ..

حط الورد ودق الباب .. جواهر انبح صوتها من كتر ما تقول اتفضل و اتفضل بس محد يرد عليها اما رئيف كان بعيد عن الباب عشان يشوف الورد حيتآخذ ولا لئه و شويه ينفتح الباب و يشوف جواهر تآخد الورد و تدخلو لعبير ...

جواهر : عبوره جاتك باقه ورد من مجهول ..
عبير : مجهول ؟؟ قريتي البطاقه ؟؟
جواهر : لئه عيب هادي خصوصيات .. اقراها بعدك عشان لو كان في
شي ما اقراه ..
عبير : هههه ههه .. طيب هاتيه ..
جواهر : خدي .. بس الورد هاتيه احطوا جوة المويه قبل ما تموت ..
تقرا عبير الكرت و تبتسم (( و ياريت اللي فيكي فيا و اشوفك بهالحال يا قلبي ..
رواية حكـآية حب لا تنتهي .. ::: تأليفي :: .. Clip_image002

رواية حكـآية حب لا تنتهي .. ::: تأليفي :: .. Clip_image002

ما حبيت ازعجك وتكون اول شوفاتك لي بدموعي ..
من صحبتك اللي تحبك .. )) ..

كان دا شعار رئيف زمان عشان تجمع كل حروف اسموا بكدا عرفت عبير انو رئيف و سألت جواهر :
جوجو في احد جاني امس لما كنت نايمه في العنايه ؟؟
جواهر : اممممم .. لئه .. دقيقه دقيقـه .. الا امس جات صحتك اخوها هنا يطمنوا عليكي .. آآآخ لو شفتي اخوها ما شاء الله عليه قمر ^^
عبير : صحبتي ؟ اخوها ؟ طيب ايش اسمها ؟
جواهر : ايوه صحبتك .. على ما اعتقد انها رغد او روان والله ما اتذكر بس الاكثر روان ..
عبير : جوجو اخرجي بره في احد عند الباب يطالع علينا ؟؟
جواهر : طيب ..

خرجت و طالعت و اول ما فتحت الباب رئيف كان مستني بس اندس لما انفتح الباب و قفلت و رجعت ..

جواهر : عبير .. مافي احد غر النيرسيز ..
عبير : طيب شكرا تعبتك و خدي اقري الكرت مافي شي يتخبى ..

{ الجزء الثامن عشر }

فرحت عبير لما عرفت و اتأكدت انو الكرت من رئيف و اخدت الجوال و اتصلت عليه ..

عبير : الوو
رئيف : هلا
عبير : شكرا ع الورد و الكلام العسل و بعيد الشر عنك ..
رئيف : ولو لا تشكريني هادا واجبي لحبيبة قلبي انا ..
عبير : شفتني امس ..
رئيف : اهاا ..^^
عبير : سوري خليتك تشوفني كدا بعد كل ديك الغيبه ..
رئيف : مو مشكله .. اهم شي قمتيلي بالسلامه ..
عبير : طيب مين وصلك الخبر انا اعرف انو ماما ما ترد على الارقام الغريبه و انته منهم ..
رئيف : من رغوده حبيبة قلبك ..؟!
عبير : يا حياتي ع اللي يغار .. ايوه كيف حالها ؟..
رئيف : تمام و تسلم عليكي و كانت تبغى تجيكي امس ..
عبير : احسن ما جات ما ابغى اول مقابله لنا في المستشفى ..
رئيف : ههه هههه ... اصلا ما يهمها اهم شي تطلعي بالسلامه ..
عبير : فينك دحين ؟؟ حاستك عند الباب ..
رئيف : يخليلي قلبك دا يا ناس عليه ..^^
عبير : يا قلبي .. خلاص بموت دحين ..
رئيف : لالا الله يخليكي .. لا تخليني لوحدي في دنيا زي كدا ما في احد يحب من قلبو دي الايام ..
عبير :ههه هههه .. لا تخاف حتى لو فرقت الموت
حيكون قلبي ملك و اسير قلبك..
رئيف : عبير .. و الله لو قلتي او سمعتك تجيبي سيرت
الموت تاني ما يصير طيب ..
عبير : اشبك عصبت كدا ؟؟ انا مو قصدي شي ..
بس كنت ابغى اقولك ............
رئيف : ايش ؟ ايش كنتي تبغي تقولي ؟؟ اهرجي بسرعه ..
عبير : كنت ابغى اقولك ... امممم ... احــــــــــــــــبـــك ..
رئيف : و انا اكتر ... خوفتيني حسبت انو في شي مو كويس
لا سمح الله ..
عبير : يللا طيب اكلمك بعدين..
رئيف : خلاص طيب ما ابغى اورطك في شي ..
عبير : لا مو عشان شي بس جواهر جالسه فوق راسي الا و انام ..
رئيف : صح كلامها شوفي الساعه كم .. الساعه 11 نامي
شويه و ريحي نفسك .. يللا روحي ^^
عبير : طيب خلاص.. يللا انتبي على نفسك ...
رئيف : و انتي كمان .. يللا مع السلامه يا قلبي ..
عبير : يللا ســــــــــــــــــــــــــلام ..

و رخت عبير و هيا مبسوطه و جواهر يللا بلا لكاعه نامي دحين عشان ماما لا تعطيني كلمه و انا اللي اروح فيها من ورى عنادك الزايد ..
سمعت عبير كلام اختها الكبيره جواهر وحطت راسها و غفت ونامت و الضحكه ما فارقتها وهيا نايمه ..
رجع رئيف البيت بعد ما صلى الضهر في المسجد وراح لروان في غرفتها اللي لقاها جالسه ع النت تتكلم مع رغد ...

اتحمس و كلم رغد بعد ما روان اعطتوا الكيبورد يكلمها شويه و جالس يشكرها و يطمنها على عبير و انها تسلم عليها مره كتير خلص من الكلام مع رغد جلس مع اختو و هوا مبسوط يحكيها عن اللي صارلوا مع عبير و هيا كمان كانت مبسوطه عشانوا ..

جا المغرب و روان حبت تروح لعبير و تتطمن عليها بنفسها قالت لرئيف و رئيف من غير تردد قلها طيب و وداها المستشفى و اخدت روان معها ورود حمرا مره حلوه و طلعت الدور اللي فيه غرفه عبير ودقت الباب و دخلت و اول ما دخلت ..

روان : كيف الحلو اليوم ؟
عبير : مين ؟ روان ؟
روان : ماشاء الله عليكي .. كيف عرفتيني ؟
عبير : اووه .. الاخبار توصلني اول بــــأول ..
روان : آآآآآآخ .. رئيف دا يبغالوا قص لسان ... الواحد بيسوي مفآجئه و الاخ يحرقها كلها ..
عبير : ههه هههه .. اشبك واقفه اتفضلي ..
جواهر : هيا دي اللي كانت هنا امس الليل ..
روان : هههه .. ايوه صح ..
عبير : مو ايش اللي خلاني اطيب بسرعه عشان ارجع لقعدتها الحلوه
اللي ما ينمل منها ..
جواهر : يوه .. خلاص انتي اخرجي من المستشفى و انا اعزمها ع البيت و نجلس التلاته مع بعض ابغى اشوف و اجرب الجلسه اللي ما ينمل منها دي ..
** ** ** **
(( الجزء التاسع عشر ))

وجلسوا و يتكلموا و أنبسطوا , بعد نص ساعة روان أستأذنت وراحت لرئيف
تكلموا عشان يرجعوا البيت وجات في يدها ورده حمراء غير اللي ودتها لعبير ..

رئيف استغرب لما شاف يد روان و الورده .. لمن وصلت عندو سألها..

رئيف : رورو ؟.. اشوف في يدك ورده ؟؟ يا ترى من مين ؟؟ و لمين ؟؟
روان : انته ليش ملقوف ؟؟
رئيف : مو ملقوف بس سؤال مو اكتر ..
روان : هادي ليك يا تعم ..^^
رئيف : ليا ؟؟ من مين ؟؟
روان : وربي ما كنت متخيله انك غبي لدي الدرجه !!!...
رئيف : غبي ؟؟.. مو مشكله بس من مين ؟؟
روان : من حياتك ...!
رئيف : حياتي ؟؟
روان : يا شيخ انته اشبك اليوم فيك شي ؟؟..
رئيف : لئه بس مو مستوعب الوضع ..
روان : من عبوره ..^..^
رئيف : من عبوره ؟؟ وليا انا !!؟؟؟
روان : ترى راح اقولها لأنها قالتلي اقولها ردت فعلك بالحرف ..
رئيف : لو قولتيلها ما يصير لك طيب ..
روان : ايش حتسوي يعني ؟ قولي ؟..
رئيف : طيب هاتي الورده لا تموت في يدك ..

اخدها منها و مبسوط بيها و بعدما حركوا من المستشفى بشويه جا في بال رئيف يروح البحر شويه في الصبح قبل ما تطلع عبير من المستشفى و يآخد روان عشان هيا الوسيله الوحيده عشان يشوف حبيبتو يبعد الشك عنو بكدا ..^^
قبل ما يوصل البيت راح باسكن روبنز يشتري لروان آيس كريم يكسب رضاها عشان تصحى الصبح و تروح معاه ..^^

و اشترى لنفسوا آيس كريم من النوع اللي تحبوا عبير مع انو ما ياكل شوكليت قطع ولا شوكليت ساده .. يحب آيس كريم فراوله ..^^

خرجت عبير من المستشفى و مر على خروجها شهر تقريبا وكل يوم عن التاني تعرف انو رأيف يحبها اكتر من اليوم اللي قبلو ..

لدرجه انو وعدها انو حيجي يخطبها بعد ما يخلص اولى على طول و هيا طبعا فرحت لأنو كان دا حلم عمرها كلو انو تكون هيا ورئيف في بيت واحد و محد يفرقهم غير الموت ...

وفي يوم كان بالنسبه لعبير يوم عادي دقت على رئيف لقتوا في البيت ما خرج مع اصحابوا ..

عبير : غريبه ما خرجت اليوم مع الشباب اللي هالك نفسك معاهم كل يوم ؟؟
رئيف : والله مني طايقهم وروان مدري اشبها دي اليومين مره تعبانه متغيره مره كتير ..
عبير : خير ايش فيها ؟؟
رئيف : و الله مني داري كل مره اروحلها غرفتها تكون جالسه تبكي ولما ادخل تمسح دموعها ولا كأنو صاير لها شي و انا بعدي اقول يمكن تقولي من حالها ..
عبير : طيب تامر كيفوو؟
رئيف : تامر؟ صح كيف ما جا على بالي انو يكون تامر سبب حزن روان
عبير : طيب اسأل محمد عنوو ...

يقطع كلام عبير صوت الباب لما روان تدخل على رئيف و هيا تبكي و تقول :
رئيف الحقني انا تعباه يا رئيف الحقني ...
رئيف : حبيبي اشوف رورو و ارجع ادق تاني .. طيب؟؟
عبير : طيب طـيب .. بس طمني ..
يقفل رئيف الخط و يكلم روان يبغى يعرف اشبها وليش حالتها كدا ..

رئيف : روان .. قلبي ايش اللي صاير لك اوديكي المستشفى ؟؟
روان : لا ما ابغى ما فيا شي .. تبكي و تكمل : رئيف تامر صار لو اسبوع ما يرد عليا او يعطيني بيزي ..
رئيف : سويتي شي يضايقوو ؟؟
روان : لا والله اتمنالو الرضا يرضى بس مدري اشبو ..
رئيف : دقيتي على محمد طيب عرفتي منو شي ؟؟

روان : لا ما جا في بالي ..

<<الجزء العشرون >>
وتحضن رئيف و تبكي على صدروا
رئيف يقولها: طيب دقيقه ادق عليه .. الوو السلام عليكم
محمد : وعليكم السلام خير متصل نص الليل ؟؟
رئيف : محمد تامر فينو ؟
محمد : تامر ؟ صارلي اكثر من اسبوعين ما شفتوا ..
رئيف : اسبوعين ؟؟ طيب تعرف اخوو ولد خالتو احد يقربلوو ؟؟
محمد : ليش كل دا ؟؟ ايش صاير ؟
رئيف : روان هنا جالسه تبكي تامر ما يرد عليها من كم يوم ..
محمد : من كم يوم قلي انو عندو مشكله ما يخرج منها غير بعد فترة ..

سمع رئيف كلام محمد وف كلام محمد وا انو حيجي يخطبها ساب روان في الغرفه و خرج من الغرفه عشان روان لا تنفجع اكتر ..

رئيف : مشكله ؟؟ مشكله ايش ؟؟
محمد : مدري هوا حكاني عن سجون و مني عارف ايش ؟؟
رئيف : سجون ؟؟ محمد سامع ايش قاعد تقول ؟؟
محمد : ولله هادا اللي اعرفوا .. طيب قفل انته دحين و انا اشوف اتصل
على عبد الله
اخوه اعرف اخباروا ..
رئيف : محمد !!!.. الحقني روان طاحت هنا تعالي بسرعه ..
محمد : طيب طـيب .. انته شيلها وحطها فوق سريرك او سريرها و قول لخاله .. مسافه الخط و اكون عندك ..
رئيف : يللا بسرعه و جيب معاك الدكتور ..
محمد : طيب ... سلاااام..

روان سمعت كلام رئيف لما قال سجون وكان باين على وجهه الاستغراب فأغمى عليها ساعتها و ما انتبه رئيف غير لما سمع شي يطيح في الارض و كانت مزهريه في غرفتوا كانت من ابوه قبل ما يسافر لندن عشان شغلوا ..
اما تامر دخل السجن في قضيه تخريب اجهزة من اجهزة الشركه اللي يشتغل فيها بما انو هوا كان يشتغل ف يداك القسم قبل ما يرقوا و اتهمتوا الاداره بكدا ..

وصل محمد مع الدكتور وكان مع روان امها سهى و رئيف راح عشان يدخل محمد و الدكتور ..
دخل الدكتور و كشف على روان وكان معاها شويه برد و ارهااق شديد اطمنت امها على صحه بنتها ووصلوا الدكتور وهما راجعين بسياره محمد ..

رئيف : محمد اتصلت على عبد الله اخو تامر وعرفت حاجه ؟؟..
محمد ايوه .. الصراحه تامر محبوس من اسبوع في قضيه تخريب اجهزة من اجهزة ارامكوا ..
رئيف : ايش ؟؟ دحين ايش اقول لروان المسكينه دي ؟؟
محمد : لا تقولها ولا حاجه .. اصلا تامر حلف 3 بالله العظيم انو موهوا اللي سواها وما اعتقد انو هوا لأنو انا قريب من تامر و كل شي عنو يقولي ..
رئيف : طيب لو سألتني عنوو ؟؟
محمد : قولها سافر و حيرجع بعد كم اسبوع او شهر ..
رئيف : طيب طـيب ... محمد .
محمد : هااه ؟!!...
رئيف : شكرا ما كنت اعتقد انك تخاف على اختي قد كدا من شكرا و عرفت ليش رورو تحبك كتير ..
محمد : رئيف ..شوف انا قلتلك دا الكلام قبل كدا بس انته اخدتها بمزح روان ماهي بنت خالتي وبس دي اختي بالرضاعه ولا من غيرو احنا اتربينا سوا ومن حقي اخاف عليها اكتر من رغد عشان هيا بنت خالتي .. تراها في قلبي زي رغد وفي نفس مستواها اخت لا اكثر ولا اقل ..
رئيف : ربي يخليك لروان ورغد ولينا كلنا ..^^
محمد : يا وااد لا تشيل هم و اذا على حكايه تامر اعطيني اسبوع و اشوف له دبره يخرج منها ..^^
رئيف: يللا طيب تعال اتعشى عندنا اليوم ..
محمد : لا يسلموو كنت متعشي قبل لا اجيكم ...
رئيف : يا شيخ ؟؟ طيب اجلس ع السفره معانا افتحلنا نفسنا بعدين يمكن تنفتح نفسك معانا .. ولا روان تزعل بعدين ؟؟
محمد : طيب .. بس لا تزعل روان ..^^

(( الجزء الواحد و العشرون ))
وصلوا البيت و دخلوا و ام روان حطت العشا و راحت ما كان نفسها تتعشى و تسيب روان لحالها في بالها يمكن تحتاج شي ..

من هنا ومن هنا محمد قدر يدحلس عليها و يخليها تتعشى معاهم بس هيا طلعت اشطر منو جلست ع السفره بس شرطت انو يجلس محمد و ياكل معاهم ..
محمد ما قدر يرفض لها طلب و جلس و اتعشى معاهم و اطمن على روان وراح البيت كلملوا كم بنت و انخمد ..
صحيت روان الفجر ع بالها الليل خلاص قامت لقت البيت هاجد مافي ولا نفس و الليتات مقفله طالعت في الساعه لقتها 3 بس ليل نهار ما هي عارفه فتحت الستاره لقتها ليل عرفت ساعتها انها صحيت بدري و الكل نايم حاولت تدق على تامر بس نو انسر و رجعت غرفتها نامت ..

طلع الصبح و جا العصر و جوال روان يدق تطالع في الرقم تلاقيه رقم تامر ما تصدق و ترد ..

روان : الوو
تامر : اهليين بحبيبتي وحشتيني
روان : تامر ؟؟ فين كنت ؟؟ صارلي اسبوع ادقدق عليك .
تامر : اسبوع يا مفتريه ايش خليتي لصحباتي الباقيين ؟؟..
روان : صحباتك ؟؟ اشوف طلعلك صحبات بعد الغيبه ؟
تامر : ههه هههه .. الخفيفه صدقت .. امزح يا حبي انتي ..
روان : اصلا لو سويتها و شوفتك في يوم ماشي مع وحده لا امرمطها مرمطه و افضحها قدام الله و خلقه و اقول انك خطيبي ^^…
تامر : الله .. الله .. الله .. تعرفي يا مجرمه لو سويتيها وقلتي اني خطيبك اقول اني ما اعرفك .. ههه هههه ..
روان : سيبنا من المزح خلينا في الجد فين كنت من اسبوع ؟؟.
تامر : ليش محمد و رئيف ما قالولك؟؟….
روان : يقولولي عن ايش ؟؟
تامر : انا من اسبوع مسافر و اليوم رجعت و الشبكه كانت هناك موجوده فما ارد او اعطيكي بيزي عشان المكالمه حتكون دوليه ..
روان : طيب ليه ما قولتلي قبل ما تسافر ؟؟
تامر : ما حبيت ازعلك اعرف حتقولي لا تروح و كان الموضوع غصبن عني عشان روحت مع ابويا ..
روان : فين سافرت ؟؟
تامر : حزري ..^^
روان : يللا بلا لكاعه ..
تامر : روحت مصر ..
روان : اقول مصر و الشبكه هناك ؟؟؟…
تامر : شوفتي كيف دي زين مو أي شي ..^^
روان : ع العموم الحمد لله على سلامتك و سلامة بابا .
تامر : الله يسلمك يا حياتي .. يللا طيب مع السلامه دحين ابويا جا مع الشنط ..
روان : اووووبس .. انتو لسع في المطار ؟؟
تامر : اقولك دوبني جيت واتصلت عليكي ...
روان : طيب خلاص مع السلامه ..
تامر : مع السلااامه ..

تامر كان جالس يكذب على روان من خوفوا عليها زود كلام من عندو محمد خرجوا بكفاله بمساعدة رئيف كان عندو معارف هناك .. فهموه حاله روان و طبعا ما حب يصير لروان شي من تحت راسو ^^

مرت شهور على دي الحكايه و خرج تامر منها لما عرفوا انو صاحبوا هوا المسؤول عن كل شي بدافع الحقد و جهاد صاحب تامر في الشغل و برا الشغل بس شغل الحقد و الحسد اعمو بصيرتو و خلاه يورط تامر في قصه مو مسويها ..

في يوم 27\10 جاب تامر امو و راحوا بيت رئيف يخطبوا روان و كان الكل مبسوط للاتنين و جا محمد و رغد كمان عشان يفرحوا معاهم و قرروا انو في يوم 26\6 يكون زواجهم ^^

حمااااااااااااااس..

يللا هــآآآدي التكمله ..

" الجزء الثاني و العشرون "
بالنسبه لرئيف و عبير رئيف امو طلبت او قررت خلاص تخطبلوا بس مو اللي يعرفها لئه وحده من بره يعني زواج تقليدي بشوفه ومني عارفه ايش ,,
قال لعبير صح زعلت بس بعد كدا لما فكرت تمام ما حبت تكون عائق بالنسبه لحياة رئيف فقالتلوا ..

عبير : روح الله يسهل عليك و يتمملك على خير .. حتلاقي مين تستاهلك و تحبك اكتر مني ...
رئيف : عبير مقدر اعيش من دونك ..
عبير: تقدر .. امك ما تبغاني شريكه حياتك اسمع كلامها ترى الجنه تحتها و اجبر بخاطرها ..
رئيف : اجبر بخاطرها مقابل سعادتي مع وحده تانيه و حياتي معاكي ؟؟؟..
عبير : معليش حاول تحب البنت اللي امك حتخطبها لك و ان شاء الله تسعدك ..
رئيف : هادا رأيك الاخير ؟؟
عبير : روح الله يتمملك على خير ترى ما راح انسى لحظه معاك دام انا في دي الدونيا ..
رئيف : آآآه يا حياتي انتي ....
عبير : اشبك فيك شي ؟.. تعبان حاجه ؟؟
رئيف : ايش اللي متعبني اكتر من قلبك دا .. وربي اللي ما يعرفك خسراااان ..
عبير : يا حياتي انته .. خلاص بكدا حأخرج من حياتك عشان يبقى لها مكان و تكون فيه .. و مبروووك ليك و لرورو ..
رئيف : يعني دي أخر مره اسمع فيها صوتك ؟؟..
عبير : يكون افضل لك و افضل لي ..
رئيف : وربي حتوحشيني ..
عبير : ما يوحشك وحش بس خلاص من اليوم ورايح ما عاد تفكر فيا فكر في اللي جايتك بعدي ..
رئيف : ما راح اقدر ..
عبير : الا تقدر اصلا مستحيل تتذكرني بعد ما تتجوز ..
رئيف : ليش ايش دراكي ؟؟
عبير : لأنك لو فكرت فيا و هيا معاك حتنظلم البت ..
رئيف : تنظلم محد قلها تقبلني زوج ..^^
عبير : حرام عليك تقبل يصير لي زي كدا ؟؟ وليش انا اختك تقبل يصير لها زي كدا؟؟
رئيف : والله اللي يسويها فيكي ولا في رورو لا امحيه من الدونيا ..
عبير: طيب حتى هيا بنت ناس حرام تسوي فيها كدا ..
رئيف : صح كلامك بس حكون معاها بجسمي مو بعقلي .
عبير : لو تحبني من جد حاول انك تنساني و تفكر فيها لأنو حتكون مع احلى و اغلى انسان عرفتوا ..
رئيف : احـــــــــــبك ..
عبير : بليز رئيف آخر مره تقولها بعد كدا حيكون فيها دموع و خليها لخطيبتك ..
رئيف : مو على كيفك .. واحبك .. احبك .. احبك ايش حتسوي ؟؟..
عبير : رئيف مع السلامه وربي يسهلك ..

قفلت عبير الخط في وجه رئيف عشان مو راضي يتخلى عنها وراحت تبكي من قهرها انو حيكون لوحده تانيه و من خوفها على البت لا تنظلم و على قهرها على نفسها من الحظ النحس دا ..

رئيف حاول يتصل على عبير بس يلاقي جوالها مقفل جلس يدق و يدق ويدق
3 ايام و جوالها مقفل ..
تالت يوم ام رئيف لقت بنت راحت مع خاله رئيف ميمي و شافوها بس ما عجبتهم وجلسوا يدوروا و يدوروا ..

(( الجزء الثالث و العشرون ))
بعد اسبوعين من القلق و الحيره اللي عاشتها عبير فتح
جوالها لقت رساله منو ..

"حبيبتي عبير.. اعرفي انو محد يآخد مكانك في قلبي حتى لو ما صرتي شريكه حياتي .. اهم شي انك انتي كل حياتي مقدر استغني عنك .. ما حبيتك الا لقلبك الطيب و عيونك الحلوه و صوتك الناعم ... عمري ما اتخيلت حياتي من دونك ولا مستقبل انتي منتي فيلو .. و البت اللي حتجوزها حتكون مجرد اسم في حياتي ولكن انتي حتكوني مكانها في بالي .. لو في يوم حن قلبك ليا عندك الجوال اكتبي رقمي ودقي حكون مستنيكي بكل اللي فيا و هادي آخر رسايلي اتمنى تشوفيها .. احبك .. من حبيبك المخلص لك .. رئيف "

عبير صارت تقرا الرساله مره اتنين تلاته و تبكي مو مصدقه انو رئيف لسع عندو امل انها ترجعلو بعد ما يتجوز .. صارت قبل ما تنام لازم تقرا الرساله و تنام و دمعتها على خدها ..

ام رئيف دورت و سمعت عن بنت مره سمعتها كويسه اسمها (ود) اخدت عنوانها عشان يروحوا يشوفوها واخدت رقم بيتها عشان تعطيهم كلمه ..

جا اليوم اللي تروح ام رئيف لبيت ود بس ما لقت السواق فقالت لرئيف يوصلها مع خالتو ..
رئيف ما رفض وراح وصلهم شافوها عجبتكم البت زي القمر ما شاء الله عليها و اخلاقها فووق ..

كلموا امها و امها قالت نرد بعد كم يوم ..
ام رئيف ما تدري انو عبير هيا ود نفسها وود كذبت على رئيف اول ما عرفتوا و استمرت على كذبتها لحد دحين على اساس انو رئيف دق بالغلط عليها وقالت انو اسمها عبير و اتعرفوا على بعض بدا الاسم ^^

رئيف ما انتبه للعنوان لما جا وصل امو و خالتو لبيت ود عشان كان في حاله دماااار من بعد عبير اللي هيا ود ^^
وحتى ود ما كانت تدري بالموضوع لكن الصدف توخلق ..
بعد كم يوم ود واقفت على رئيف من غير ما تشوف صورتوا يعني جات صدفه انو لمن جات تشوف الصوره الجرس دق و هيا راحت ردت ع الجرس و سابت الصوره مع خالة رئيف ..

وفي يوم بعد ما وافقت و بيومين دققت على رئيف و في نفس الوقت رئيف كان حيدق عليها ..
اتصلت ورئيف استغرب من اتصالها فرد ..
رئيف : الوو
عبير \ ود : الوو .. رئيف كيفك ؟؟
رئيف : تمام بسماع صوتك .. وانتي ؟؟...
عبير \ ود : مو تمام
رئيف : ليش ؟
عبير \ ود : رئيف انا اتخطبت .. وجلست تبكي .
رئيف : هه حتى انتي ؟؟ انا قبل يومين خطبوا لي .. مبرووك ..
عبير \ ود : مبروك على ايه .. ما كنت ابغى اتجوز بعدك ..
رئيف : وليش يا قمر 1000 واحد يتمناكي ..
عبير \ ود : انا ما ابغى الــ 999 انا ابغاك انته منهم ..
رئيف : خلاص اللي صار صــار و ما نقدر نغيروا زي ما قبلتي بوقعي لازم اقبل بواقعك انتي كمان و يا رب يسعدك ..
عبير \ ود : انا دقيت اطمن عليك و اقولك الخبر التعيس ..
رئيف : قبل شويتين كنت حاتصل عليكي بس سبقتيني ..
عبير \ ود : طيب تآمر بشي بقوم اشوف امي ..
رئيف : لا سلامتك شكرا .. مع السلامه
عبير \ ود : مع السلامه .. انتبي على نفسك ..
رئيف : طيب .. حاضر ..

مر كم يوم و الين دحين ود ما تعرف كل عريسها غير من كلام امها و اختها الكبيره اللي شافوا الصوره يجلسوا يحكوها بس مره ما اتوقعت انو حيكون رئيف و جواهر اختها الكبيره ما قالتلها تبغى تخليها سبرايز بما انو هيا الوحيده اللي شافتوا اما ابوها و اخوها جواهر موصيتهم لاحد يفتح دي السيره قدامها انو هوا اخو صحبتها اللي جا و زارها في المستشفى .. و بالنسبه للمستشفى وكيف عرف غرفتها فهيا متعامله مع المستشفى و موصيتهم لو صار لها شي و سأل عن وحده اسمها عبير كذا كـذا يدلوها غرفتها ..\\\مزبطه نفسها تمام^^

:: الجزء الرابع و العشرون ::
مرت الايام و جا يوم الشوفه كل واحد من الاتنين زبط نفسوا ولما كان رئيف جالس في المجلس يستنى عروستو وهوا نفس حالتو حاله انهيااار حتى يومها ..
تدخل ود اللي هيا عبير متحجبه و باين طول شعرها و دخلت و عيونها في الارض ما طالعت فيه ..

رئيف ما قدر يستنى اول ما دلت طالع في وجهها و انصدم ..
لقاها ود هيا نفسها عبير حبيبتوا ..

و هيا لسع ما اخدت منو ولا شي اقصد ما طالعت فيه ولا شويه .. طالعت فيه بنظره سريعه لما جلست جمبوا ..ساعتها هيا كمان انصدمت .. مرروا اليوم على خير و لما رئيف وصل البيت دق على اللي يعرفها باسم عبير ..

رئيف : الوو
ود : الوو
رئيف : عبير ما راح تصدقي اللي شفتوا ..
ود : برضك تقول عبير ؟؟ المهم ايش شفت ؟؟
رئيف : اليوم روحت شوفت البت اللي خطبولي هيا يا بت كربووون منك طبق الاصل ...
ود : رئيف اقولك حاجه وما تزعل ؟؟ عشان شايفتك متحمس ..
رئيف : ايش ؟ قولي ؟
ود : رئيف اللي شفتوا مو كربون هديك انا معقوله ما عرفت البيت ؟؟
ولا انتبهت لابويا و اخويا ؟؟ اللي شوفتها انا مو احد غيري ..
رئيف : يعني بتقوليلي انو .........
ود : يب يـب انته خطيبي ..^.^
رئيف : عبير .. اووبس اقصد ود احبك .. احبك .. احبك ..
ود : ههه هههه ... قد كدا مبسوط ؟؟
رئيف : و تقولي ما ازعل ؟.. بالعكس دا شي يطير من الفرح ..
ود : يعني خلاص حنعيش انا وانت في بيت واحد ؟؟...
رئيف : في بيت وحد و غرفه وحده كمان .. بس ود ممكن سؤال ؟.
ود : ايش ؟؟
رئيف : ليش كذبتي على حكايه اسمك و قولتيلي اسمك عبير ..
ود : حسبتك ازمه و تعدي بس ما عدت الا زادت ..^^
رئيف : والله اسمك احلى من عبير بكتير ..
ود : شكرا ..
رئيف : كنتي قمر اليوم ..
ود : لا يا شيخ ..
رئيف : وربي ما شلت عيوني عنك ثانيه و الكل لاحظ و امي سألتني كمان ..^^
ود : امك ليش ايش سألتك ..؟؟
رئيف : قالتلي اذا كنت اعرفك ولا لئه ..
ود : و انته ايش قولتلها ما شاء الله عليك ؟؟.
رئيف : ههه هههه .. لا تخافي قولتلها لئه بس انو لفتني جمالك ..^^
ود : هههه ههه .. والله انك ..
رئيف : وربي مو مصدق نفسي .. انا و انتي مع بعض ..
ود : ايش انقلبت الآيه ؟؟
رئيف : مين كان يتوقع انو ود تطلع عبير بعدين ؟؟؟..
ود : طيب خلاص خلي روان تقرصك ..
رئيف : ايوه صح على طاري روان خليني اروح اقولها احلى خبر في حياتي ..
ود : خلاص طيب روح و مره وحده خليها تقرصك ..طيب ؟؟
رئيف : ههه هههه .. يللا طيب و مره وحده اروح اقول لماما حاجه ..
ود : هيي .. ايش بتقولها ؟؟
رئيف : يا لطيف ايش دخلك واحد يبغى يهرج امو ايش حشرك في النص ؟؟
ود : خلاص خـلاص روح ^^
رئيف : هههه ههه .. طيب .. لا تزعلي ...
ود : لا وي عادي ..

المهم قفلت ود و على طول جري رئيف و دخل غرفه روان من غير ما يدق الباب اول ..
لقاها كانت بتكلم تامر و هيا من ارتباكها قفلت السماعه في وجهو ^^

فقالت : اشبك ؟؟ لا احم ولا دستور ؟؟ داخل كدا عرض ؟ ومن فجعتي قفلت في وجه تامر ..
رئيف : اووبس .. سوري معليش والله ..
روان : ايش تبغى داخل كدا ؟ افرض افـرض كنت بغير ملابسي ؟ دوبي خارجه من الحمام ؟ كنت في منظر مخل بالشريعه ^^ .. تدخل كدا ؟؟
رئيف : الله اكبر .. قولنا سوري آسفين ..
روان : فين اوديها آسفين هادي ؟؟ المهم خلصني ايش تبغى ؟؟
رئيف : احبها .. احبها .. احبها .. و حتجوزها كمان ..^^
روان : مين هيا دي ؟؟
رئيف : اللي خطبتولي هيا احبها يا ناااااااااااس ..
روان : ماشاء الله حبيتها بسرعه و تسوي نفسك زعلان على عبير هاه ؟؟ علينا دي الحركات يا اااد ؟؟
رئيف : مو هوا دا اللي مفرحني .. عبير هيا ود يا روان هيا ود ^^
روان : ايش هيا خطيبتك .. كيف تصير دي ؟؟. فهمني اشوف ..؟؟؟!!
رئيف : انا اقولك ... و بدأ يحكيها الحكايه من طقطق للسلام عليكم ..

×× الجزء الخامس و العشرون ××

بعد ما حكاها عن كل شي ..

روان : رئيف تعرف ..
رئيف : شو ...؟؟؟!!!

روان : من جد حكايه حب لا تنتهي و يا رب ما تنتهي للأبد .. اول مره اعرف انو الحب فيلو عجايب زي كدا .. مين كان يتوقع انو عبير تطلع هيا نفسها ود ؟.. و مين كان يعرف انو بعد ما تفترقوا برضاكم تنجمعوا تاني ؟.. من جد حب ماله حدود .. اللي يعرف معنى الحب يقدروا ..

معنى الحب : هو المشاعر الأحاسيس لغة القلب و العيون لغة محد يفهمها غير العشاق و كل عاشق و حكايتوا و هرجتوا و كل حب ليها نهايه سعيده او حزينه ..

مختصر اللي ابغى اقولوا انو ما شاء الله حبكم اتعدى الخيال ..
حاولت كتير اني اعرف مصيركم بعد كل الحب دا اللي بينكم بس من جد ما عرفت اتوقعت أي شي مع اني كنت احب عبير و اتمناها معاك لأني بشوفك مبسوط معاها ولا اتمنى انها تفارقك عشان بشوفك ساعتها منهار ..
انته كان عندك الامل انو تكون عبير معاك ما فقدتوا لو غيرك كان فقد الامل من اول ما حبيبتوا تقول سيبني ..
المهم ربنا يوفقك و يسهلك و يتمملك على خير و يسعدك و يكون ربي معاك وفي عونك .. آمين ياااا رب ..

رئيف : يا قلبي عليكي تصدقي اعطيتيني محاضره ..^^
امزح كلامك على عيني وراسي و الله من غيرك حياتي مدري كيف .. حتى انا ما كنت متوقع حياتي من غير عبير ولكن اتمسكت بيها .. لا تقولي مغرور .. لئه بالعكس انا بفضفضلك ع اللي في قلبي .. يا روان انا ما لقيت احد في البيت يسمعني ولا حتى اهتم فيا .. طبعا مقدر مجهودك انتي و امي .. و ابويا مسافر عشان الشغل .. بس تعرفي مو أي هرجه تنقال قدام الاهل .. صح ولا لئه ؟

روان : صح .. اها .. كمل ؟...

رئيف : يا روان عبير لقيت فيها صندوق لحياتي اقدر أفك خلقتي فيها
و ما تقول شي .. خلتني اعرف ايش معنى اصحاب .. انا اول ما كان عندي اصحاب غير فارس و محمد دحين لو تطالعي في جوالي ما القى مكان من كترهم عشان ازيد واحد .. في وجودها اتعلمت ايش يعني :
فرح \ حزن \ زعل \ سعاده دايمه \ إخلاص \ واهم شي اتعلمت الحب ..
اشياء كتيره اتعلمتها من وجودها في حياتي .. ويوم ما قولتلها على حكايه امي بتخطبلي و قالتلي روح الله يسهلك حسيت ساعتها انو مهما سويت لها تكون راضيه باللي قلتو وما تقول لئه .. راضيه تكون تعيسه بمقابل سعادتي ..
حتى انها راضيه اني اعيش مع وحده غيرها عشان امي ..
حتى بعد ما عرفت انو كدبت عليا في حكايه اسمها بس كان كلامها من قلبها و يتصدق .. يعني مره كانت ملاك في عيوني و ما زالت .. فين تلاقي وحده زي كدا في دونيا وسخه زي دي ؟؟

روان : آآآهــ رئيف ربي يخليكم لبعض يا رب ..
رئيف : تسلميلي يا قلبي ..^^

روان : آآآهــ لو غيرك يعرف معنى الحب .. كمان دي الايام الحب صارت شغله تافه .. كلمه احبك للبنت او للولد صارت زي أي كلمه .. صارت تنقال ع الفاضي و المليان .. زي صحبتي غدير كم مره اتجرحت و بتنسى .. كم مره غلطت و صلحت غلطها .. كم مره انهارت بس رجعت وقفت على رجلها تاني .. كم مره اتهانت و تسكت .. كم مره سمعت كلمه احبك و تصدقها و تنخدع .. ليش كدا ؟؟..
بكل ما عند الانسان من مشاعر و أحاسيس محد يعرف معناها دحين الا من رحم ربي .. رئيف معظم الشباب في حياتهم تلاقي اكتر من وحده و بدافع ايش ؟. بدافع التسليه و التباهي قدام اصحابو يقول والله شبكت لي وحده و مني عارفه ايه .. و يتباهى تلاقي البت في بيتها مستوره و قصتها على كل لسان و الفضيحه من مين ؟؟ من الولد .. ليش كدا ؟؟ مره ؟.. مره مافي إحساس مافي مشاعر ؟.. مافي قلب يحس بلقب اللي يحبوا؟..
انا جرحت تامر لما خليت كلام الناس يفرقنا لما حمكت عليه بالاعدام و هو بريء خليت كلام الناس تهز صورتوا قدامي لكن شوف دحين بعد ما سبتوا كم شهر رجع تاني و اتصل يوم ميلادي وما نسيني ..
ليش البنات دايم يكونوا اللعبه في يدكم .. ليش يتعذبوا عشانكم ؟ ليش ؟ مو عشانهم يحبوكم و يتمنالكم الرضا ؟؟ تذلوهم ليش مو حرام ؟؟

رئيف : ليش تتكلمي بالجمع و محد معانا ؟؟ تراني مو منهم ..^^

روان : مو كدا بس مقهوره ليش ان البنات يتحسروا و يتعذبوا و يمرضوا عشان ترضوا عنهم ؟؟ و كدا تجازوهم بتعذيبكم ليهم ؟؟؟

رئيف : طيب اوكي معاكي .. بس ايش اللي وصلنا لدي النقطه ؟

روان : نفسي اقول دا الكلام لكل الاولاد دا حلمي عشان لا يستخفوا بالبنات كدا .. اتقي شر حواء لو غضبت ^^ .. البت لو عصبت لا تتوقع شي .. لأنو بيجيك شي ما تقدر تفكر فيه.. تنتقم \ تغدر\ تجرح\ تذل\ تعذب\ ما تدري ايش تسوي احتمال كبير كمان تنتحر ..

رئيف : الصراحه كلامك ميه مـيه بس دي شغله ما توصل للشباب حتى لو وصلت ما راح يسمعوا بنصيحتك ..

روان : طيب الحب ما يقسي بالعكس الحب يلطف القلوب بس انتو ما تحسوا ..
و الله لو الواحد حب البت زي ما تحبوا و اكتر وربي لا تفديه بروحها ولو صار لها شي بسببوا وربي ما تندم ..

*** *** *** ***

رئيف : سيبينا من دا الكلام دحين .. ابغى اروح اقول لأمي ايش رأيك اقولها ولا لئه ؟؟..

روان : الا روح قلها بس لا تقولها انك كنت تكلمها عشان يعني لا تقولك محاضره.

رئيف : خلاص طيب يصير خير ان شاء الله .. دحين اروحلها بس خايف تعطيني كم كلمه عشان يعني حبيتها من بدري ؟؟...
روان : عادي قولها حبيتها من اسلوبها جمالها أي شي يعني انته ادرى بدي الاشياء ..^^
رئيف : يللا اوكي سلام بروحلها ... امــــــــــــــــي ..؟! تعالي .. امي ..
اموو : ايوه يا ولدي .. اشبك تزعق ؟؟
رئيف : تعالي .. تعالي .. ابغاكي في هرجه ..
اموو : خير ايش تبغى ؟
رئيف : تعالي ابغى اهرجك في حكايه البت اللي خطبتولي هيا ..
اموو : ليش اشبها ؟ مو شفتها و قلت طيب ؟
رئيف : ايوه مافي حاجه بس كنت ابغى اقولك اني احبها ..^^
اموو : ؟؟ ايش ؟؟ تحبها ؟ مصرع ؟!..
رئيف : هادا تشجيعك ؟ دحين قلت اجي اقلك تفرحي و تقولي الله يوفقك ؟ تسوي فيا زي كدا ؟
اموو : ربي يوفقك يا ولدي .. بس مره استغربت .. بس و الله من حقك كمان تموت فيها البت تستاهل ..
رئيف : امي اقدر اقول بكدا انك حبيتها ؟
اموو : شي اكيد يا ولدي .. والله البنت تنحب من اول مره تشوفها فيها ..
رئيف : يعني بعد كدا ما راح تتراجعي في كلامك و تشوفيلي وحده تانيه ؟
اموو : ليش ؟ مو انته قلت حبيتها ؟ هادا اهم شي اني اشوفك مبسوط وهيا تقدر تبسطك ^^
رئيف : خلاص طمنتيني على كدا .. خلاص اوكي بروح انام ..
اموو : بس ؟! هو هادا اللي جاي تزعق عشانوا ؟
رئيف : خلاص ايوه بس كدا ..
اموو : خلاص طيب روح .. تصبح على خير ..
رئيف : و انتي من اهله .. روحي نامي لا تسهري كتير ..^^ ههه هههه
اموو : طيب بس احط الاكل في التلاجه و انام روح لا تشيل هم ..
** ** ** ** ** **
مر تلاته اسابيع بعد الشوفه حقت رئيف و صار يوم شبكة روان يومتها رئيف صحي من بدري عشان يودي روان و امو الكوفيره و هو راح مع تامر يسوي حركات الاولاد و البهلله حقتهم ^^
( اللي ما يعرف ايش حركات الاولاد يوم الشبكة يسألهم ^^ )...
صارت الشبكة وصادف يومتها و الكل مو حاسب حسابو غير روان و صحبتها غدير عيد ميلاد تامر روان هيا اللي اختارت يوم الشبكه و تامر ما انتبه لتاريخ اليوم .. تامر وحيد امو ابوه يومتها صوروا اللي في البيت اختفت جلسوا يدوروا لمدة اسبوع و ما لقوا الصور ..
كان ابو تامر متفق مع روان انو يجبلها صور تامر عشان تحطها ع الكيكه و محد يدري يومتها تامر و امو عرفوا فين كانت الصور .. مع روان ^^ .. وسوت كل شي هيا و غدير ورتبوا الدنيا كلها .. فرح تامر بأحلى عيد ميلاد عندو و فرحوا كلهم بعد ما خلصوا دخل رئيف و خيلان روان ساعتها رئيف سحب تامر على جنب و قلوا ..
رئيف :: ولد انتبي على اختي ترى اختي في امانتك ..
تامر :: ولا يهمك روان في عيوني يا شيخ لا تقلق ..
رئيف :: ههه هههه .. طيب خلاص روح شوف يبغوك ترقص روح ..^^
تامر :: يا شيخ عقبالك .. يللا خلص بسرعه ^^..
رئيف :: طيب بس روح يللا ارقص ..

** ** ** ** ** **
و خلص اليوم و الكل فرحان بروان و تامر و بعد كم شهر صار نفس الشي
لرئيف و ود و صارت شبكتهم و كانت جواهر شايله كل شي فوق راسها ..

صار كل شي بسرعه و انخطبوا الاتنين ( روان & رئيف ) و اما بالنسبه
لـــ

:: محمد ( ما اتغير عن اول بس اتغيرت فكرتوا عن البنات بعد خطبة اختو و اخوه
< روان \ رئيف > فسيب نص علاقاتوا مع البنات و مستمر مع وحده بدأ يحبها .. يا ربي اهدي الجميع ^^)...

و رغد ( كانت طموحاتها بس للدراسه و فرحت عشان روان ورئيف و كمان تامر و ود ..)

وعشان صاحب رئيف فارس ( بعد ما خطب صاحبوا اتشجع هوا كمان وقال لامو تدورلوا على بنت الحلال اللي تهنيه و تسعدوا ..)

غدير ( لقتلها واحد يهتم بمشاعرها و أحاسيسها و قال لها احبك من قلبوا و لسع في مشاريع مستقبلا ^^ [ ربي يهني سعيد بسعيده ] ...) ...

روان اتجوزت و سافرت النمسا عشان شهر العسل و جاتها بعثه عشان تكمل دراستها في بريطانيا فوافق تامر و اخذ اجازه من شغلوا عشان بعثة روان و جلسوا هناك و قال تامر للمدير : ( لو شفت اني طولت الغيبه افصلني مو مشكله مو مهم اذا كان على حساب مستقبل حبيبتي ..^^) و قدم الاجازه و سافر ..
هناك دورلوا على وظيفه و اشتغل بما انو لغتو تمام و المدير اللي كان يشتغل تامر عندو حب حبوا لحبيبتو و خلاه الين ما يرجع من السفر و تنتهي اجازتوا ..
** ** ** ** ** **
رئيف ما تجوز ود غير بعد ما رجعت روان من بعثتها عشان تكون معاه في احلى ليلة في حياتو هيا و جوزها ..
روان اخذت هيا التانيه اجازه اسبوعين عشان جواز اخوها و طيران جو ..
ود هيا اللي قالت انها ما تبغى تتجوز غير لما تجي اخت جوزها عشان تدري انو ما عند جوزها غير امو و ابوه و اختو .. ^^

** ** ** ** ** **

الــــخـــآآتمــــه
...}
هذه حكاية قصتي كتبتها بكل ما لي من مجهود حاولت ان انقل رساله لكل قارئ و ليس قارئه اتمنى انها تكون قد وصلت ..
....
القصه كانت بأحدث نصف حقيقيه مرت بي على مدار حياتي ففي بعض الاحيان و بعض أجواء القصه كانت تعبر عن شيء ما بداخلي من مشاعر فعندما تقلى احد الشخصيات مزعوج او غاضب او حتى في حالة انهيار فتكون هي تلك مشاعري او حالتي ..
....
كل هذا كتبته بسهر ليالي و عين لا تغفى حاولت الوصول الى ذهن كل من يقرأ قصتي لأني نقشتها داخل قلبي و نثرتها بين دمي ..
....
نهاية قصتي كانت سعيده و هذا ما اتمناه اتجاه قصة حياتي حتى قصة حبي ..
فلم اكتب القصه لمجرد الهام انما كانت لشعور خبأته داخل قلبي كي افصح عنه بقصه ..
اتمنى في حياتي ان لا اظلم مخلوق او اظلم من قبله او اقسو على احد احن إلي بكل ما يملك ..

...}

اكتب نهاية قصتي و انا بكل سرور لأنني قد قلت ما بداخلي من مشاعر و أحاسيس لم يعرفها احد سوى الذي تمعن في أحداث قصتي هذه لأنها بالنسبه لي جروح قد دامت مده من الدهر لم يستطع الزمن برأها ..
....

ها قد حانت لحظه الوداع كي لا امسك قلم مره أخرى و اكتب بها قصه تحكي واقع أعيشه .. اتمنى ان تكون آخر رواياتي كي لا انقل لكم مزيدا من جروحي التي لا أريد ان يعرفها سواي و من احب ..

تحياتي لكل من قرأ مجهودي ..
محبتكم ..

Miss Sho0ogy..^^

مشكورة يا Mi$s $ho0ogy

على القصة الحلوة

وانا كنت من المتابعين للقصة

وحبيت ارد عليها بعد ما تخلص

و اشاء الله تكون كل نهاياتك سعيدة

بس نصيحة :

لا تبطلي الكتابة ....

ومرت من هنا قطر الندى...

حركااااااااااااااااااااااااااات يابت ..

من متى سرتي كاتبه ؟؟؟؟

اعترفي اعترفي ...

مين اللي سوا منك كاتبه يا معفنه ؟؟؟ ههههه

ترى بس انا ما قرأت القصه ...

بس اكييييد حلوه يابطه ...

تسلمي يدك يا عسل ..

قطر الندى كتب:: مشكورة يا Mi$s $ho0ogy

على القصة الحلوة

وانا كنت من المتابعين للقصة

وحبيت ارد عليها بعد ما تخلص

و اشاء الله تكون كل نهاياتك سعيدة

بس نصيحة :

لا تبطلي الكتابة ....

ومرت من هنا قطر الندى...

نوورتي يا قطرة ندى ..

ويعدني انك كنت تابعيي القصه وهذا من ذوقك ..

وان شاء الله تشووفي كل جديدي Smile

اشكررك جزيل الشكر على مرورك ومتابعتك الراقيه ..

دمـــت بـ سعـآآدهـ }..